«Հանրային ձայն» կուսակցության դեմ ռեպրեսիաների շարք է սկսվել. հարձակման է ենթարկվել եւ մարմնական վնասվածքներ է ստացել կուսակցության վարչության անդամ Լուսինե Ղուկասյանը

SHAMSHYAN.com-ի տեղեկություններով՝ այսօր, նոյեմբերի 24-ին, Երևանում հարձակման է ենթարկվել ու բռնություն է կիրառվել «Հանրային ձայն» կուսակցության պատվավոր նախագահ, «Դոգ» մականվամբ Վարդան Ղուկասյանի համակիր, «Հանրային ձայն» կուսակցության վարչության անդամ Լուսինե Ղուկասյանի նկատմամբ։

Ինչպես հայտնում է ֆոտոլրագրող Գագիկ Շամշյանը, հարձակումը տեղի է ունեցել Հայաստանի քննչական կոմիտեի Երևան քաղաքի քննչական վարչության ճանապարհատրանսպորտային հանցագործությունների քննության բաժնի և ՀՀ ճանապարհային ոստիկանության վարչական շենքի հարևանությամբ։

Լ. Ղուկասյանը այցելելիս է եղել նշված վայր, երբ, ըստ նախնական տեղեկությունների, գլուխը «կապիշոնով» փակած տականքը հարձակվել է կնոջ վրա, հարվածներ հասցրել, ապա «Սասնա էպոսի Ցռան Վերգոյի նման» ճողոպրել։

Լ. Ղուկասյանը «գլխի գագաթային շրջանի սալջարդ, մաշկային հեմատոմա, քերծվածք» ախտորոշմամբ տեղափոխվել է «Էրեբունի» ԲԿ։

Դեպքի մասին արդեն տեղեկացվել է հանցագործության վայրի տարածքային ոստիկանության բաժին, որտեղ էլ դեպքի փաստով նյութեր են նախապատրաստվում։ 

Հիմնական վարկածը կապված է «Հանրային ձայն» կուսակցության ակտիվ գործունեության հետ, ու գուցե տականը կամ տականքները փորձում են նման կերպ լռեցնել այդ կուսակցության պատվավոր նախագահի համակիրներին։

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով։

Հ.Գ Ի դեպ, սա առաջին դեպքը չէ, ինչ  բռնություն են կիրառում  «Հանրային ձայն» կուսակցության  անդամների, նրանց համակիրների եւ վարչության անդամների դեմ, ինչպես նաեւ առաջին դեպքը չէ, որ արշավ են սկսում հենց  «Հանրային ձայն» կուսակցության  պատվավոր նախագահ Վարդան Ղուկասյանի դեմ, ով տեւական ժամանակ, որպես քաղաքական եւ հանրային  գործիչ բարձրացնում է Հանրության Ձայնը՝ վեր հանելով տարիների խորշերում թաքնված հանցավոր սխեմաներն ու ամենատարբեր  բնույթի կոռուպցիոն դրսեւորումներն ու անօրինությունների կծիկը, ինչն էլ  կանխատեսելի է, որ կարող է լարված պահել նախկին ու ներկա այն կոռուպցիոներին ու "խոշոր  գայլերին՞, որոնց հետքերով գնում է ռազմական ոստիկանության նախկին աշխատակից եւ այդ համակարգի այսպես ասած հնաբնակ՝Վարդան Ղուկասյանը: 

Ի դեպ, եթե արձանագրելու լինենք Վարդան Ղուկասյանի եւ նրա կուսակցության շուրջ արձանագրված  հանցավոր  դեպքերի  քրոնիկոնն ու  պատկերը, ապա պետք է փաստենք, որ  ձեռագրաբանությունը  նույնն է, իսկ իրար հաջորդող  ու զուգորդող դեպքերը՝ մեկը մյուսից դատապարտելի ու զազրելի:

Փաստ է, որ բոլորովին վերջերս վթարի ենթարկվեց  «Հանրային ձայն» կուսակցության վարչության անդամ Լուսինե Ղուկասյանը, ով  այսօր էլ  հարձակման էր ենթարկվել Երևան քաղաքի քննչական վարչության ճանապարհատրանսպորտային հանցագործությունների քննության բաժնի և ՀՀ ճանապարհային ոստիկանության վարչական շենքի "քթի տակ " եւ  «գլխի գագաթային շրջանի սալջարդ, մաշկային հեմատոմա, քերծվածք» ախտորոշմամբ տեղափոխվել էր «Էրեբունի» ԲԿ, եւ այս պահին էլ դեռ հայտնի չէ՝ թե ինչ նոր ամպեր կարող են կուտակվել նույն Լ.Ղուկասյանի  եւ առահասարակ կուսակցության վարչության այլ անդամների եւ նրանց լիդերների գլխին, քանի որ կոնկրետ ձեռքեր եւ բնականաբար "մութ ուժեր"   ռեպրեսիաների շարք են սկել  «Հանրային ձայն» կուսակցության, եւ  մասնավորապես Վարդան Ղուկասյանի ու Արտակ Գալստյանի դեմ, քանի որ օրեր առաջ էլ ականատեսը դարձանք, թե ինչպես էր  քարերով, "եղաններով" գազազած ամբոխը հարձակվել կուսակցության գրասենյակի վրա, պատռել Վարդան Ղուկասյանի լուսանկարն ու ջարդել կուսակցության գրասենյակի ապակիները՝ փորձելով ըստ էության այս կերպ լռեցնելու Հնարային Ձայնը: 

Եւ ըստ էության հարց է առաջանում. ո՞ւր է պետություն կոչվածն ու պատկան կառույց ասվածները, երբ օրը ցերեկով քննչականի քթի տակ մի դեպքում կուսակցության վարչության անդամի վրա են հարձակվում, մյուս դեպքում գրասենյակն են ջարդուփշուր անում, իսկ ահա մեկ այլ դեպքում էլ՝ փակում են կուսակցության ճանապարհը քաղաքական առաջիկա գործընթացներում, քանի որ շատ լավ գիտակցում են որ Ղուկասյանի բարձր վարկանիշն ու օր-օրի այսպես ասած թափ հավաքելը  օրվա խաղացողների  համար լուրջ խնդիր է, եւ խանգարող հանգամանք, քանի որ իրականում Ղուկասյանի հայտ ներկայացնելը խառնեց շատերի խաղաթղթերը: 

Ի դեպ, շրջանառվող ակտիվ  լուրերի համաձայն, ասում են, որ որդյակի  կանտորան եւս ջանք ու եռանդ չի խնայում  Վարդան Ղուկասյանի դեմ  քր գործեր հարուցելու(խոսքը 40 եւ ավելի քր. գործեր երկնելու  մասին է ), ինչը եւս  թույլ է տալիս  ենթադրելու, որ Ղուկասյանը նախ եւ առաջ կարող է խանգարել  օրվա իշխանությանն ու օրվա իշխանականներին:

Այն նույն թավիշ կտրած իշխանությանը, որը բնականաբար պիտի անի  հնարավորն ու ահնարը՝  չրերի Տիկոյին գահին հասցնելու եւ քաղաքապետի ընտրությունները  " հորով-մորով " անելու համար: 

Եւ եթե իրականում Ղուկասյանի, եւ նրա ղեկավարած կուսակցության դեմ սկսված այս ռեպրեսիաների կծիկը՝ չունի սատարող ձեռքեր եւ թեւեր այդ նույն իշխանական "կրուգներից", ապա ժամ առաջ տեղի ունեցած հանցագործություններին ու բռնություններին, պետք է տրվի պատշաճ եւ օբյեկտիվ  իրավական գնահատական:

 Սպասենք առաջիկա զարգացումներին: