Վերաքննիչ քաղաքացիական դատարանըՙ հայտնի քաղաքագետ Գագիկ Համբարյանի ներկայացրած երկու բողոքներով`երկու տարբեր, իրարամերժ որոշումներ է կայացրել. Բացառիկ մանրամասներ

Newsmedia.am-ը մեկ անգամ չէ, որ առիթ ունեցել է անդրադառնալու ՇՊՀ-ի ինչպես նախկին ռեկտոր Սահակ Մինասյանի, այնպես էլ եւ ներկայիս ռեկտոր Երվանդ Սերոբյանի կողմից կատարված անօրինություններին: Վերջիններիս կողմից կատարված առերեւույթ հանցագործությունները գուցե այդպես էլ իրավական գնահատականի չարժանանային, եթե ՇՊՀ դասախոսներ Գագիկ Համբարյանը, եւ Հովհաննես Խորիկյանը հանրությանը փաստարկված չներկայացնեին բուհում տեղի ունեցող անօրինությունների շղթան, եւ այդ առիթով չդիմեին իրավապահ մարմիններին;

Հիշեցնենք, որ Շիրակի պետական համալսարանի նախկին ռեկտոր Սահակ Մինասյանը 2 դատական հայց էր ներկայացրել դասախոս, քաղաքագետ Գագիկ Համբարյանի դեմ հայցերը վերաբերում են նախկին ռեկտորի պատիվն ու արժանապատվությունը իբր վիավորելուն: Տարօրինակ զուգադիպությամբ, քաղաքագետ Գագիկ Համբարյանին առնչվող քաղաքացիական գործերը, և մասնավորապես զարմանալի զուգադիպությամբ՝ ՇՊՀ նախկին ռեկտոր Սահակ Մինասյանի բոլոր հայցերը վերջինիս դեմ քննում է միայն՝Շիրակի մարզի առաջին ատյանի դատավոր Լիլիթ Խաչատրյանը:

Նկատենք, որ ՇՊՀ նախկին ռեկտոր Սահակ Մինասյանը հայտնի վերլուծաբանից պահանջում է միլիոնների հասնող գումարներ՝ իբր իր պատիվն  ու արժանապատվությունը վիրավորելու   համար: Նա դատի է տվել հայտնի քաղաքական վերլուծաբանին՝ ենթադրյալ գրառումների համար: Երկու հայցադիմուներից յուրաքանչյուրի համար պահանջելով 3 միլիոն դրամ:

Թե ինչպես է ստացվում, որ վերը նշված գործերը հասնում են բացառապես վերը նշված դատավորին՝Լիլիթ Խաչատրյանին,  պարոն Համբարյանը մեկ անգամ չէ, որ նշել է.

«Գյումրին շատ փոքր քաղաք է, եւ բոլորն էլ շատ լավ գիտեն, որ դատավոր Լիլիթ Խաչատրյանի հայրական թաղում է ապրում ՇՊՀ նախկին ռեկտորը, իսկ վերջինիս մայրը հայտնի դատավոր Զենֆիրան է, ով ըստ գյումրեցիների շրջանում տարածված լուրերի, մշտապես սերտ կապերի մեջ է եղել Մինասյանի հետ։ Այնպես որ Լիլիթ Խաչատրյանի մոտ հայտնվող դատական գործերը,  ի սկզբանե իմ կողմից դիտարկվում էր որպես բացահատ հովանավորչություն, որովհետեւ չի կարող նույն մարդու կողմից տրված երեք գործերն իմ դեմ հայտնվեն նույն դատավորի մոտ: Բացի այդ,  նույն Լիլիթ Խաչատրյանը իր ընկերուհիներից ոմանց մոտ նշել էր,  Սահակ Մինասյանի ապագա քայլերի մասին կապված դատավարություններից մեկի հետ կապված»:

Ի դեպ, մենք տեղեկացրել էինք, որ սույն դատավորի կայացրած ակնհայտ անհիմն դատական ակտերը հայտնի քաղաքական վերլուծաբանը բողոքարկել էր վերադաս` Վերաքննիչ քաղաղաքացիական դատարան, որոնց վերաբերյալ եւս կան արդեն իսկ կայացված որոշումներ:

Մասնավորապես Newsmedia.am-ի հետ զրույցում Գագիկ Համբարյանը տեղեկացրեց ինչպես Վերաքննիչի որոշումների, այնպես հետագա անելիքների մասին,  փաստելով.

-Նախ նշեմ, որ Շիրակի մարզի առաջին ատյանի դատարանի կայացրած երկու վճիռներն էլ նույնանման են, ու նույնաբովանդակ: Երկու վճիռների վերաբերյալ բողոք եմ ներկայացրել Վերքաննիչ քաղաքացիական դատարան, եւ շատ զարմանալիորեն Վերաքննիչ քաղաքացիական դատարանը` (ՇԴ/1674/0219) վճռով բավարարել է իմ պահանջը եւ շատ պարզ, կետ առ կետ նշել, որ Լիլիթ Խաչատրյանը խախտել է իմ իրավունքները,  եւ չի նշել ապացույցների բեռի բաշխման մեջ վերջնաժամկետը, թե ես մինչեւ երբ պետք է ներկայացնեմ այդ ապացույցները: Գտնելով է, որ հենց դա շատ մեծ ազդեցություն է ունեցել գործի ընթացքի վրա,  եւ  այն  հետ է ուղարկել կրկին Շիրակի մարզի առաջին ատյանի դատարան քննության: Իսկ (16Դ/1623/02/19) գործով, շատ զարմանալիորեն նախագահող դատավոր` Թորոսյանը, բացահայտ կեղծիքների եւ մանիպուլյացիաների միջոցով մերժել է իմ հայցը: Բացարձակ չանդրադառնալով այն փաստին, որ ես ապացույցներով ներկայացրել եմ, որ Լիլիթ Խաչատրյանը նամակում չի նշել  վերջնաժամկետը:

Ի դեպ, նշեմ  որ բազմաթիվ դատական գործերի եմ մասնակցել եւ բոլոր գործերում, երբ հարցը վերաբերել  է ապացույցների բեռի բաշխմանը, բոլոր դատավորները երկու կողմերին ուղղված նամականերում` հստակ վերջնաժամկետներ են նշում: Եվ հիմա, շատ տարօրինակ իրավիճակ է ստեղծվել, որ գրեթե նույնաբովանդակ հայցադիմումների վերաբերյալ Վերաքննիչ դատարանը երկու տարբեր որոշում է ընդունում: Այսինքն դատավոր Թորոսյանի նախագահությամբ ընդունվել է ակնհայտ ապօրինի որոշում, որը մանիպույլատիվ է եւ կեղծ, իսկ մեկ այլ նույնաբովանդակ գործով նախագահող դատավոր Ենոքյանը, բեկանել է Շիրակի մարզի առաջին ատյանի դատարանի որոշումը: Եվ այո, հիմնական բեկանման պատճառը  հենց այն է, որ ապացույցների բեռի բաշխման մեջ` ինձ ուղղված նամակում վերջնաժամկետ նշված չէ:

Ամփոփելով խոսքը,  հայտնի քաղաքական վերլուծաբանը հույս է հայտնում.

-Ես սպասում եմ, որ Վճռաբեկ դատարանը այս իրավական կազուսին վերջնական լուծում կտա,  եւ իմ իրավունքները ամբողջությամբ կվերականգնվեն: Ինչը երկու կողմերին հնարավորություն կընձեռնի ապագայում Շիրակի մարզի առաջին ատյանի դատարանում ներկայացնել համապատասխան ապացույցներ, որի արդյուքնում  գործը արդարացիորեն լուծում կստանա:

Պատրաստեց՝ՆՈՆԱ ԱԴԱՄՅԱՆԸ 

NewsMedia.am 

Լուրեր  Հայաստանից եւ Աշխարհից