Դատարանում փաստված անհերքելի իրականության, Մուրազիի կողմից հնչեցված ապատեղեկատվության, իրավական եւ բարոյական կողմի, ինչպես նաեւ Հայկ Բաբուխանյանի անցած ուղղու մասին

Դատարանում փաստված անհերքելի իրականության, Մուրազիի կողմից հնչեցված ապատեղեկատվության, իրավական եւ բարոյական կողմի, ինչպես նաեւ Հայկ Բաբուխանյանի անցած ուղղու մասին

«Սինջար» եզդիների ազգային միավորումը ներկայացնող, լրագրող Բորիս Մուրազին, վերջին օրերին չգիտես ինչու թիրախավորել է ԱԺ մի քանի գումարման պատգամավոր, ՍԻՄ կուսակցության նախագահ Հայկ Բաբուխանյանին, նրա հասցեին հնչեցնելով մի շարք մեղադրանքներ, որոնք պարունակում են նաեւ զրպարտություններ եւ վիրավորանքներ։ Մասնավորապես, վերջինս նշել է, թե Սորոսից ֆինանսավորված Բաբուխանյանը թշնամանք է սերմանում եզդիների նկատմամբ:

Տեղեկատվության պակաս ունեցող, կամ գուցե հիշողության հետ խնդիր ունեցողների համար հատուկ հիշեցնենք, որ Ջորջ Սորոսի հայաստանյան ներկայացուցիչ Լարիսա Միասյանն էլ ոչ վաղ անցյալում փորձել էր թիրախավորել ԱԺ մի քանի գումարման պատգամավոր, ՍԻՄ կուսակցության նախագահ Հայկ Բաբուխանյանին, ինչի հետեւանքով ՍԻՄ նախագահը դիմել էր դատարան դեռեւս անցյալ տարի: Մատնանշելով հետեւյալը. «Ես երբեք չեմ դիմել Սորոսին որեւէ գումար ստանալու համար եւ սորոսականների հարձակումն ինձ վրա պայմանավորված է նրանով, որ ես տարիներ շարունակ պատռում եմ նրանց հակազգային ու հակահայկական դեմքը:

Սակայն օտար ուժերի կամակատարների այս ճիգերը ծիծաղելի են, քանի որ իմ դեմ ոչինչ չգտնելով նրանք մեջտեղ են բերել ինչ որ 20 տարվա վաղեմության օդանավի տոմս, որը միայն ապացուցում է, որ ես ճիշտ եմ, իսկ նրանք սխալ»: Դատարանում փաստված անհերքելի իրականության, Մուրազիի կողմից հնչեցված ապատեղեկատվության, իրավական եւ բարոյական կողմի, ինչպես նաեւ Հայկ Բաբուխանյանի անցած ուղղու մասին Newsmedia.am-ը զրուցել է ՍԻՄ նախագահ Հայկ Բաբուխանյանի շահերի ներկայացուցիչ, աղմկահարույց գործերով հայտնի փաստաբան, «Լեւ Գրուպ» փաստաբանական ընկերության հիմնադիր-ղեկավար, եզակի ՀԱՅ մարդ Լեւոն Բաղդասարյանի հետ, ով անդրադառնալով վերը նշված անձի մեղադրանքներին նախ պրոֆեսիոնալ կերպով փաստեց․

-Անկեղծ ասած, տեղյակ չեմ, թե ով է այդ անձնավորությունը, համենայնդեպս ՀՀ-ում պետք է ձեւավորվի այնպիսի մշակույթ, որ երբ փորձում են քննադատության թիրախի ենթարկել անձի քաղաքական գործունեությունը՝ չանցնեն անձնավորման դաշտ։ Ըստ էության յուրաքանչյուրը ազատ է հայտնելու իր կարծիքը, պարզապես յուրաքանչյուրը պետք է գիտակցի, որ անձի պատիվը, արժանապատվությունը, գործարար համբավը՝ Աստվածային իրավանորմ է, եւ այն խախտողը պետք է մտածի նաեւ դրա իրավական հետեւանքների մասին։ Ցանկալի է նաեւ, որպեսզի թիրախավորողը հասկանա, թե ով է այն անձնավորությունը, ում փորձում են թիրախավորել։ Կոնկրետ Հայկ Բաբուխանյանը ԽՍՀՄ փլուզումից հետո առաջամարտիկներից էր, ով իր ողջ էությամբ ներգրավվեց քաղաքական, ինչու չէ նաեւ իրավականան գործընթացներին եւ պետք չէ մոռանալ, որ Հայկ Բաբուխանյանի ձեռքի տակով են անցել բրենդ դարձած «Իրավունք» թերթը։ Թերթ, որ 90-ականների՝ մութ ու ցուրտ տարիներին միակ լրատվամիջոցն էր, որը հանրությանը կարողանում էր ներկայացնել ոչ միայն երկրում, այլ Արցախում եւ ողջ աշխարհում տեղի ունեցող իրավիճակների մասին օբյեկտիվ տեղեկատվություն։ Եվ պատահական չէր, որ այդ տարիներին ամենաշատ սպառվող թերթն էր, երբ մարդը հարյուր դրամ տալիս հաց էր առնում, եւ հարյուր դրամ էլ տալիս՝ թերթ էր առնում։ Եւ յուրաքանչյուր անձ, ով փորձում է թիրախավորի անձի գործունեությունը, պետք է գիտակցի, թե ում է դա վերաբերում։

-Պարոն Բաղդասարյան, նկատենք, որ վերջինս Հայկ Բաբուխանյանին մեղադրեց նաեւ սորոսական լինելու մեջ։ Ի՞նչ կասեք սրա վերաբերյալ:

-Զավեշտ, այլ որակում չեմ կարող տալ. ինչո՞ւ, որովհետեւ տարիներ առաջ, երբ Սորոսի գործադիր տնօրենը ՀՀ-ում անուղղակի ձեւով ի թիվս այլ քաղաքական գործիչների նույն Բաբուխանյանին էլ ներկայացրեց, այդ ժամանակ ի տարբերություն այլ քաղաքական գործիչների՝ Հայկ Բաբուխանյանը միակն էր, ով դիմեց դատական պաշտպանության։ Եւ արձանագրեմ, որ դատական պրոցեսի ժամանակ Լարիսա Մինասյանը ուղիղ հարցին, թե արդյո՞ք Հայկ Բաբուխանյանը սորոսական է՝ արձանագրեց, որ ոչ. հավելելով, որ ինքը դա չի նկատի ունեցել։ Մեկ անգամ եւս փաստում եմ, որ անձի արժանապատվությունը Աստվածային իրավանորմ է, եւ այն խախտողը միանշանակ պատասխանատվության է ենթարկվելու։

Ամփոփելով խոսքը հայտնի փաստաբանը միանշանակ փաստում է․

-Հայկ Բաբուխանյանին ինքս ճանաչում եմ 90-ական թվականներից։ Պետք է արձանագրեմ, որ եզակի քաղաքական գործիչներից է, որն ունի սկզբունք եւ այդ սկզբունքով շարժվել եւ շարժվում է՝ անկախ նրանից դա ինչ-որ մեկի դուրը կգա, թե չի գա։ Ավելին Հայկ Բաբուխանյանի անցած ճանապարհի ու քաղաքական փորձից այսօր պետք է օգտվեն նաեւ երիտասարդները, անկախ նրանից, թե կիսում են նրա գաղափարը, թե ոչ։

NewsMedia.am 

Լուրեր  Հայաստանից եւ Աշխարհից