«Քաղաքագետ Գագիկ Համբարյանի ընդգծված բարեխղճությունը ակնհայտ է.նա ընդամենը տեղեկատվական հոդված է հրապարակել` զրպարտելու որեւէ հիմնավորման մասին անգամ խոսք լինել չի կարող» ուշագրավ մանարասներ`Փաշինյանի աներձագն ընդդեմ Համբարյանի գործով

Էրեբունի և Նուբարաշեն վարչական շրջանների ընդհանուր իրավասության դատարանում` նախագահող դատավոր Դանիել ՄԽեյանի նախագահությամբ շարունակվեց ԱԺ «Իմ քայլը» խմբակցության պատգամավոր Հրաչյա Հակոբյանի ներկայացրած հայցի քննությունը՝ ընդդեմ քաղաքագետ Գագիկ Համբարյանի:

Իշխանական պատգամավորն իր հայցով պահանջում է հրապարակային հերքել պատիվը, արժանապատվությունը և գործարար համբավն արատավորող ու զրպարտող արտահայտությունները և դրանց համար ներողություն խնդրել:
Հիշեցնենք, որ խոսքը վերաբերում է ՌԴ արտահանած մաքսանենգ ծխախոտի հետ կապված՝ վերը նշված անձանց գրառումներին, քանի որ, ըստ տարբեր հրապարակումների՝ արտահանած մաքսանենգ ծխախոտի հետևում կանգնած է վարչապետի աներորդին՝ Հրաչյա Հակոբյանը:

Հուլիսի 26-ին կայացած դատական նիստին, որին ներկա էին պատասխանող կողմ Գագիկ Համբարյանը եւ նրա շահերի պաշտպան Հարություն Հարությունյանը, եւ հայցվորի ներկայացուցիչ Լիլիթ Ենոքյանը, հետազոտվում էին դատարանին ներկայացված կողմերի ապացույցները:

Նկատենք, որ Newsmedia.am-ի թղթակցի ներկայանալուց եւ դատարանից թույլտվություն պահանջելուց հետո, որպեսզի լուսանկարահանում իրականացվի, չգիտես ինչու այլայլվեց հայցվորի ներկայացուցիչը եւ դատարանի հարցին, թե արդյո՞ք չեն առարկում կողմերը`որպեսզի լուսանկարահանվի դատական նիստը, վերջինս հստակ արձանգանքեց. «Առարկում եմ, չեմ ցանկանում»: Տիկին Ենոքյանը, ըստ երեւույթին չէր ցանկանում նաեւ, որպեսզի մենք ձայնագրություն իրականացնեիք, բայց մեր թղթակցի համառության շնորհիվ այն իհարկե իրականացվեց: Մեր թղթակիցը մեկ անգամ եւս դատարանից ձայնի իրավունք խնդրեց, որպեսզի դատարանը թույլ տա օրենքով չարգելված (դռնբաց նիստի պայմաններում.ՀԵՂ.) ձայնագրություն իրականացնել, ինչը միանշանակ ընդունվեց նախագահող դատավոր Մխեյանի կողմից:

Դատարանում պացույցների հետազոտման ընթացքում պատասխանող կողմը` Գագիկ Համբարյանը ի թիվս այլ պնդումների մեկ անգամ եւս պնդեց հետեւյալը. «Հարգելի դատարան, խնդրում ասեք` ինչպես պետք է ես հերքեմ մի բան, որի վերաբերյալ տեղեկությունը հղումով տեղադրել եմ իմ ֆեյսբուքյան էջին: Պարոն Հակոբյանը կա՛մ այս ամենը միտումնավոր է անում, կա՛մ չի հասկանում, որ ինքս գրառում անելուց՝ հղում եմ արել լրատվամիջոցներին: Եթե նա խնդիր ունի այն լրատվամիջոցների հետ, որոնք համապատասխան նյութն են հրապարակել, նախ թող առաջինը հերքում պահանջի այդ լրատվամիջոցներից, դրանք երկու տասնակից ավելի կայքեր են (նույն պահին պարոն Համբարյանի կողմից դատարանին ներկայացվեցին ապացույցները ամենայն մանրամասնությամբ.ՀԵՂ-): Հիմա իշխանական պատգամավորն այս ամենը թողած՝ փորձում է ինձ մեղադրել, մեղսագրել մի բան, որի հետ ես որևէ առնչություն չունեմ: Հրաչյա Հակոբյանը պետք է հասկանա, որ չի կարելի պահանջել հերքել մի բան, որի հեղինակն ես չեմ: Մաքսանենգ ծխախոտի հետ կապված տեղեկությունը՝ հարյուրավոր մարդիկ են իրենց էջերում տարածել, հիմա ի՞նչ. նա բոլորին պետք է դատի տա՞»:
Հատկանշականն էր, որ ողջ դատական նիստի ընթացքում հայցվորի ներկայացուցիչը ոչ միայն չէր կարողանում հակադարձել պատասխանող կողմի եւ նրա ներկայացուցչի բազում արգումնենտներին, որոնք փաստում էին, որ Համբարյանը ընդամենը հղում է արել լրատվականների` գնահատողական վերլուծություն է կատարել, կրկնում ենք ակտիվ հղումներ անելով լրատվականներին:

«Գագիկ Համբարյանի մասով հայցվոր կողմը, որպես զրպարտություն է դիտարկում այն, որ վստահորդը կատարել է հայտարարություն, որտեղ «մաքսանենգ գործողության մեջ» եզրույթն է օգտագործել:

Այն դեպքում, երբ մենք ունենք հստակ դիրքորոշում առ այն, որ Գագիկ Համբարյանը հենվելով լրատվականների հրապարակմանը, որպես քաղաքական վերլուծաբան նա ընդամենը կատարել է մեկնաբանություն: Նա որեւէ տեղեկություն, որեւէ զրպարտություն որպես այդպիսին չի կատարել, եւ
հենց դրանով է պայմանավորված վստահորդիս առավել ընդգծված բարեխղճությունը, որ իր մեկնաբանության մեջ հստակ նշել է. «Չնայած այն հանգամանքին, որ գլխավոր աներորդին կտրականապես հերքել է` երեկ բազմաթիվ ԶԼՄ-ներ կրկին հրապարակեցին...Այսինքն այս նախադասությունից արդեն իսկ ակնհայտ է իմ վստահորդի բարեխղճությունը՝ ինֆորմացիա տարածելու առումով»,-իր ելույթում փաստեց պատասխանողի ներկայացուցիչ, փաստաբան Հարություն Հարությունյանը:

(Ի դեպ  նշենք, որ  Փաշինյանի աներձագը՝ նույնը ինքը Հրաչյա Հակոբյանը  քաղաքագետ Գագիկ Համբարյանից՝  2 միլիոն 40 հազար դրամի  պահանջ է ներկայացրել...) 

ԱԿՆԿԱԼՈՒՄ ԵՄ ՀԱՅՑԻ ԱՄԲՈՂՋԱԿԱՆ ՄԵՐԺՈՒՄ ԳԱԳԻԿ ՀԱՄԲԱՐՅԱՆԻ ՄԱՍՈՎ

Մոտ մեկ ժամ տեւած դատական նիստի ավարտից հետո, Newsmedia.am-ը փորձեց պարոն Համբարյանի փաստաբանից` Հարություն Հարությունյանից մեկ անգամ եւս  պարզաբանումներ ստանալ, թե ի վերջո հայցվոր կողմից ի՞նչ   հիմնավորում է դրվել հայցի հիմքում, ով էլ իր խոսքում նկատեց.

-Չթերագնահատելով իմ գործընկեր փաստաբանի կատարած աշխատանքը, Գագիկ Համբարյանի մասով որեւէ հիմնավորում, որպես այդպիսին չեմ տեսնում: Որովհետեւ ակնհայտ է, որ Գագիկ Համբարյանը հղում է կատարել մինչ այդ լրատվամիջոցներում առկա մի շարք հոդվածները, այդ թվում նշելով Հրաչյա Հակոբյանի հերքման մասին: Պարոն Համբարյանը ընդամենը տեղեկատվական հոդված է հրապարակել` զրպարտելու որեւէ հիմնավորման մասին անգամ խոսք լինել չի կարող:

Փաստաբանը նկատում է նաեւ.

-Հիմնվելով հայցի իրավական մասի բացակայության վրա ինքնին արժանահավատ է դառնում, որ միգուցե այստեղ այլ նպատակներ են հետապնդվում, այդ թվում բացառված չէ նաեւ քաղաքական, քանի որ Գագիկ Համբարյանը քաղաքկան վերլուծաբան է:
Մեր զրուցակիցը նաեւ լիահույս է, որ ի վերջո արդարացի դատական ակտ է կայացվելու.
-Կարծում եմ, որ Դանիել Մխեյանը այն դատավորն է, ով ի վիճակի անգամ քաղաքական ֆիգուր հանդիսացող անձի մասով կայացնել օբյեկտիվ արդարադատություն: Ամեն դեպքում ակնկալում եմ հայցի ամբողջական մերժում Գագիկ Համբարյանի մասով:

ԱՅ՛Ո, ՍԱ ՔԱՂԱՔԱԿԱՆ ՊԱՏՎԵՐ Է ԻՄ ԴԵՄ, ՍՐԱՆՈՎ ՓԱՇԻՆՅԱՆԸ ՓՈՐՁ Է ԱՆՈՒՄ ԻՄ ԲԵՐԱՆԸ ՓԱԿԵԼ

Գագիկ Համբարյանը Newsmedia.am-ի հետ զրույցում եւս ասաց, որ սա ոչ այլ ինչ է, քան քաղաքական հետապնդման ձեւ

-Ես 2020թ. մայիսի կեսերին, երբ հայցը ստացա, ի դեպ Newsmedia.am-ը եղել է առաջին լրատվականը, որը այս հարցին անդրադարձել է: Ես այն ժամանակ, հիմա էլ ասում եմ, որ այո, սա քաղաքական պատվեր է իմ դեմ, սրանով Փաշինյանը փորձ է անում իմ բերանը փակել: Այլ տարբերակ չունեն, քանի որ ես որեւիցէ քաղաքական ուժի հետ չեմ համագործակցում, որեւիցէ մեկից գումար չեմ ստանում, չունեմ արատավորող անցյալ կամ ներկա, դրա համար էլ նրանք այս կերպ են փորձում ինձ լռեցնել, բայց դա նրանց չի հաջողվելու: Սա իշխանության հերթական հարձակումն է `ազատ խոսքի վրա, ինչը վկայում է այն մասին, որ այս մարդիկ ոտնձգություն են ցուցաբերում ճշմարտության նկատմամբ և ամեն կերպ փորձում են լռեցնել իրենց ընդդիմախոսներին:
Ես հիմա չեմ ուզում շատ խաղաղաքարտեր բացել, որովհետեւ պետք է հայցվորին հետ վերադարձվեն իր ներկայացրած ապացույցները,որոնք ինձ հետ բացարձակ կապ չունեն:

Թե ինչ ընթացք կստանա սույն գործը Newsmedia.am-ը` հավատարիմ մնալով էլ. օրաթերթի որդեգրած քաղաքականությանը հետեւողական է լինելու, եւ լուսաբանելու է դատավարության ողջ ընթացքը՝ հանրության դատին ներկայացնելով նիկոլապետության իրական դեմքն ու ձեռագիրը: