Ժեխ նյուզերի անբարո գործունեության հետքերով. Օրինակ էդ նույն կայքերով կեղծ լուրեր էին գրել , որ Ռուբեն Հայրապետյանը 14 մարդ է սպանել, ու հաստատ Ռուբեն Հայրապետյանը Ձեզ նման Ոստիկանություն չէր դիմի, միգուցե գար ուղիղ մեր տուն. ես դրա համար ասեցի փոխեք իմ անունից․..

Ժեխ-նյուզերի գործունեության, նրանց կեղտոտ արշավների մասին մանրամասներ է մեզ ներկայացրել ժամանակին Past.am կայքի խմբագրության աշխատակից Դ. Ա-ն, ում էլ խնդրել են իր անուններով ժամանակին բացել դոմեյններ, որոնք հետագայում փաստորեն ծառայել են որպես ժեխ նյուզեր՝ մարդկանց պիտակավորելու, ապա նաեւ ահաբեկելու համար:

Մեր զրուցակցի խոսքով.

-Կամ 19 թվականի վերջն էր, կամ 20 թվականի սկիզբը, երբ աշխատում էի Past.am-ի խմբագրությունում. իմ անձնագրով բացեցին info- դոմեյնը, որով մի չորս կայք կա հիմա բացված. այդ թվում նաեւ ARM-BLOG.INFO կեղծ կայքը, որն այս պահի դրությամբ այլեւս իմ անունով չի,
Քանի որ վերջերս տեղեկացա, որ այդ կայքերում այնպիսի նյութեր էին հրապարակվում, որ ամեն անգամ պատմությունների մեջ էի հայտնվում:

-Իսկ, ե՞րբ է հանվել, եւ ինչպես ստացվեց, որ որոշվեց դրանք այսպես ասած հանել Ձեր անունից…

-Ես էս վերջերս էի տեղեկացել, որ էդ կայքերում տենց բաներ են դնում, ես էլ չէի կարում սպասել, ասեցի հանեք, ես եմ պահանջել, որ հանեն։

-Իսկ, Դուք վաղուց գիտեիք, որ այդ կայքերով մարդկանց մասին սուտ, զրպարտիչ նյութեր են հրապարակում.հավանաբար տեղյակ եք որ այդ ժեխ նյուզերով արշավ է իրականացվել մի շարք հանրային դեմքերի՝  Վարդան Ղուկասյանի, Գագիկ Համբարյանի, Գայանե Զարգարյանի,Նաիրի Հոխիկյանի, Ոսկան Սարգսյանի, Անժելա Թովմասյանի, ՀՀ նախկին գլխավոր դատախազ Աղվան Հովսեփյանի, եւ շատ այլ հայտնի մարդկանց դեմ:Կրկնում եմ՝ հրապարակելով բացառապես սուտ եւ զրպարտիչ տեղեկություններ…

-Չէ, ես հենց տեղեկացել եմ, միանգամից ասել եմ՝ հանեք իմ անունից։

-Դուք ինքներդ ճանաչել ե՞ք Արման Թումասյանին ով խոստովանել է , որ ինքն է այդ ժեխ նյուզերի սեփականատերը, ավելին NewsMedia.am-ի կողմից հրապարակված հայտնի ձայնագրության մեջ նա խոստովանում է, որ իրեն շատերն են դիմում՝այսպես ասած համագործակցելու առաջարկով: Ի՞նչ կասեք սույն համացանցային քիլլերի արատավոր ու հանցավոր գործունեության վերաբերյալ:

(Լուսանկարում՝համացանցային քիլլեր Արման Թումասյանն է)

-Ես մի քանի անգամ հեռախոսով եմ խոսել Արմանի հետ. մեկ էլ Ոոստիկանությունում եմ իրեն տեսել։

-Ոստիկանություն Ձեզ երբ են հրավիրել։

-Հա, Նաիրի Հոխիկյանի հետ կապված գործով, Արման Թումասյանը ինձ գրեց, ասեց համարդ տուր, խոսել ենք, հետո իրիկունը զանգեց ասեց, որ ինքը Նաիրի հետ խոսել է, ասել է, որ ես էդ կայքերի հետ կապ չունեմ։ Հետո գնացել եմ Ոստիկանություն, իրան զանգել ասել եմ արի, արի ու ասա, որ քոննա , որ էդ կայքերը իմ հետ կապ չունեն։ Հիմա էդ դոմեյնը ու կայքերը Արման Թումասյանին են, բայց դե ոնց է հասել իրեն, ես չգիտեմ։ Ես երկու տարիա դուրս եմ եկել , ու չեմ իմացել, թե ինչեր են արել, մինչեւ, որ Նոր Տարուց առաջ չիմացա, որ ինձանով հետաքրքրվել են ոստիկանությունից։

-Իսկ Արմանի հետ, որեւէ հարաբերություններ ունեք։

-Չէ իրան մի անգամ եմ տեսել Ոստիկանությունում ու էլ իրան հանդիպած չկամ։ Ես Ոստիկանությունում պարզեցի, որ իմ անունով բացված դոմեյնով մի քանի կայքեր կան, ասել եմ, որ փոխեն սաղ իմ անունից։

-Իսկ Նաիրի Հոխիկյանի գործով, Դուք վկայի կարգավիճակ ունե՞ք, թե՞…

-Դե ասում են, որ որպես կատարող չեմ դեռ։

-Իսկ, ինչպե՞ս եք վերաբերում նման կայքերի գործունեությանը առհասարակ։

-Բնականաբար վատ, օրինակ էդ նույն կայքերով գրել էին՝ Ռուբեն Հայրապետյանը 14 մարդ է սպանել, ու հաստատ Ռուբեն Հայրապետյանը Ձեր նման Ոոստիկանություն չէր դիմի, միգուցե գար ուղիղ մեր տուն։ Ես դրա համար ասեցի փոխեք իմ անունից, ես չեմ սպասելու։ Իրանք հիմնականում հայհոյանքներով են գրում։

-Իսկ, որտե՞ղ է Արման Թումասյանի գրասենյակը։

-Չգիտեմ, գիտեմ.գիտեմ, որ ինքը շատ խմբեր ունի, շատ էջեր ունի։

-Օրինակ, ո՞ր խմբերն են։

-Ինքը առհասարակ շատ մեծ խմբեր, էջեր ունի, ինքը առնում-ծախում է այդ էջերը, մեծացնում ա։ Հայաստանում գործող հիմնական խոշոր խմբերը սաղ իրենն են, ու ինքը էդ խմբերով ա էդ նյութերը տարածում:

Հիշեցնենք, որ մեր ձեռքի տակ առկա են ձայնագրություններ, եւ այլ ուշագրավ փաստեր , թե ինչ է իրենից ներկայացնում Արման Թումասյան համացանցային քիլլերը, եւ թե առհասարակ որտեղից են փչում քամիները՝ այս անբարոյի տխրահռչակ ու անպատվաբեր քիսաչիության հետ կապված:
Ուշագրավ զարգացումները՝առջեւում են. ջրի երես են դուրս գալու համացանցային քիլլերին կցմցված բարոյական օրենքներից զուրկ բոլոր տիպի շրիշակներն ու դրանց օգտագործող ձեռքերը, ովքեր պոտենցիալ հանցագործներից ոչնչով չեն տարբերվում:

Շարունակելի…

NewsMedia.am

Լուրեր  Հայաստանից եւ Աշխարհից