Երկրում սահմանադրական կարգը վերականգնելու համար պետք է վերականգնել իշխանության միակ օրինական մարմինը` 6-րդ գումարման Ազգային ժողովը, որը. անվավեր կճանաչի 7-րդ գումարման ապօրինի Ազգային ժողովի բոլոր ընդունած որոշումները

ՍԻՄ ԿՈՒՍԱԿՑՈՒԹՅԱՆ ՆԵՐԿԱՅԱՑՈՒՑԻՉՆԵՐԻ ԽՈՐՀՐԴԻ ՆԻՍՏԻ ՈՐՈՇՈՒՄՆԵՐԸ

(18 ՍԵՊՏԵՄԲԵՐԻ 2020Թ.)

ՍԻՄ կուսակցությունը հայտարարում է, որ

1. Հայաստանի ներկայիս վարչախումբը զավթել է իշխանությունը գունավոր հեղաշրջման արդյունքում, այնուհետեւ յուրացրել է այն, նպատակ ունենալով իրականացնել սորոսական, հակահայ արժեհամակարգի ներդրումը եւ յուրաքանչյուր հային խորթ բարքերի արմատավորումը Հայաստանում: Ուստի ներկայիս վարչախումբը պետք է հեռացվի իշխանությունից եւ պետք է վերականգնվի Հայաստանում տապալված սահմանադրական կարգը:
2. Որպես արդյունավետ տարբերակներից մեկը` երկրում սահմանադրական կարգը վերականգնելու համար պետք է վերականգնել իշխանության միակ օրինական մարմինը` 6-րդ գումարման Ազգային ժողովը, որը.
ա) անվավեր կճանաչի 7-րդ գումարման ապօրինի Ազգային ժողովի բոլոր ընդունած որոշումները;
բ) կընտրի ազգային համաձայնության ժամանակավոր կառավարություն;
գ) վեց ամիսների ընթացքում կնշանակի 7-րդ գումարման Ազգային ժողովի ընտրությունները;
դ) Կվերականգնի Սահմանադրական դատարանի ոտնահարված իրավունքները.
Վերոհիշյալ նպատակով ՍԻՄ-ը դիմում է 6-րդ գումարման Ազգային ժողովում ներկայացված բոլոր կուսակցություններին օրինական օրենսդիր մարմնի աշխատաքնները վերականգնելու համար ձեւավորել միասնական խորհուրդ:
3. ՍԻՄ կուսակցությունը իր համերաշխությունն է հայտնում բոլոր այն ազգային պահպանողական գաղափարախոսության հիման վրա գործող շարժումներին, կուսակցություններին ու կազմակերպություններին, որոնք պայքար են մղում Հայաստանում իշխանությունը զավթած եւ յուրացրած խմբակին իշխանությունից հեռացնելու եւ երկրում սահմանադրական կարգը վերականգնելու համար: ՍԻՄ կուսակցությունը պատրաստական է համագործակցել նման բոլոր ուժերի հետ:
4. Սահմանադրական կարգը վերականգնելուց հետո ստեղծվելիք ազգային համաձայնության ժամանակավոր կառավարության ծրագրում նախատեսել`
ա) Կորոնավիրուսից տուժած բոլոր քաղաքացիներին, այդ թվում` տան պայմաններում բուժվողներին, վճարովի թեստեր հանձնողներին, փոխհատուցել ծախսված գումարները եւ նշանակել մեկ տարով առողջության վերականգնման նպաստ: Իրականացնել վարակի դեմ անհրաժեշտ կանխարգելիչ միջոցառումներ, միաժամանակ վերացնելով փողոցներում (ոչ մարդաշատ վայրերում)եւ դպրոցական երեխաների համար դիմակների պարտադիր կրումը: Ստեղծել առողջապահական արտակարգ խորհուրդ` կազմված հեղինակավոր ու արտակարգ իրավիճակներում առողջապահական համակարգի կառավարման փորձ ունեցող բժիշկներից:
բ) Փոքր եւ միջին ձեռնակրություններին, ինչպես նաեւ գյուղական տնտեսություններին ս.թ. մարտ-սեպտեմբեր ամիսների համար չեղարկել տոկոսադրույքները, այնուհետեւ վեց ամսով հետաձգել վարկերի տոկոսադրույքների վճարումը, իսկ հաջորդ վեց ամսվա ընթացքում սուբսիդավորել 50 տոկոսով:
գ) Ստեղծել արդյունաբերության վերականգման ծրագիր, որը կապահովի արդյունաբերական արտադրանքի ծավալների եւ աշխատատեղերի աճ:
դ) Ստեղծել գյուղատնտեսության փրկության ծրագիր, նախատեսելով գյուղական տնտեսություններին բազմակողմանի աջակցություն, խթանելով կոոպերացիան եւ աջակցելով գյուղմթերքի մթերման, սպառման եւ արտահանման գործընթացներին:
ե) Ստեղծել փոքր քաղաքների (մոնո քաղաքներ) վերականգման ծրագիր, ապահովելով այդ քաղաքների բնակչության զբաղվածության ու սոցիալական ապահովության, ինչպես նաեւ կրթամշակության զարգացման պահանջները:
զ) Ստեղծել հայկական տրանսպորտի վերականգման ծրագիր նախատեսելով լիովին օգտագործել Հայաստանի տրանզիտային պոտենցիալը, զարգացնել ավտոտրանսպորտի եւ երկաթուղու ենթակառուցվածքները, ստեղծել ազգային ավիաընկերություն:
է) Վերակառուցել առողջապահական համակարգը, նպատակ ունենալով այն արդյունավետ ու հասանելի դարձնել Հայաստանի բոլոր քաղաքացիների համար` անկախ նրանց սոցիալական կարգավիճակից:
ը) Վերականգնել բուհական եւ դպրոցական ուսուցման որակյալ ու հայեցի համակարգը եւ հայկական գիտությունը:
թ) Պայքարել պետական համակարգում կոռուպցիայի, հովանավորչության անգրագիտության դեմ, դադարեցնել ապօրինի պարգեւատրման կոռուպցիոն համակարգը:
ժ) Վերադարձնել արտակարգ դրությունը խախտելու համար այդ թվում` դիմակ չդնելու համար բոլոր տուգանքները, որոնք աօպրինի գանձված են ՀՀ քաղաքացիներից:
ի) Միջոցներ ձեռնարկել քաղբանտարկյալների անհապաղ ազատ արձակելու նպատակով:

լ) Արցախի (եւ նմանատիպ այլ) հարցերի լուծման նպատակով նախաձեռնել եվրոպական անվտանգության նոր համակարգի ստեղծումը, որը հիմնված կլինի ազգերի ինքնորոշման եւ այլ միջազգային իրավունքների հիման վրա:
խ) Արտաքին քաղաքականության մեջ սերտացնել ՌԴ-ի հետ դաշնակցային հարաբերությունները, խորացնելով ռազմական, տնտեսական միությունները, ձեւավորել նաեւ քաղաքական միություն, ճանաչել Ղրիմի ժողովրդի ինքնորոշման իրավունքը: Լավագույնս օգտվել ԵԱՏՄ-ի լայն հնարավորություններից, զարկ տալով միջպետական կոոպերացիան, հայ-ղազախական եւ հայ-բելառուսական հարաբերությունները` դրանք հասցնելով ռազմավարական մակարդակի:

ծ) Նախաձեռնել Թուրքիայի հանդեպ միջազգային դատավարություն, Հայոց ցեղասպանության եւ Հայաստանի Հանրապետության տարածքները օկուպացիայի ենթարկելու համար:

ղ) Արգելել արտասահմանյան ֆինանսավորմամբ հակահայկական քաղաքական գործունեություն ծավալող Սորոսի ֆոնդին եւ նմանատիպ ՀԿ-ներին: Պետք է արգելել աղանդներին զբաղվել հոգեորսությամբ: Ընդունել օրենք համասեռամոլության քարոզը խստիվ արգելելու մասին:

5. Վերոհիշյալ ծրագրերի շուրջ ՍԻՄ-ը անհրաժեշտ է գտնում ձեւավորել ազգային պահպանողական բոլոր ուժերի միասնական ճակատ:

«ՍԱՀՄՆԱԴԱՐԱԿԱՆ ԻՐԱՎՈՒՆՔ» ՄԻՈՒԹՅԱՆ
ՆԵՐԿԱՅԱՑՈՒՑԻՉՆԵՐԻ ԽՈՐՀՈՒՐԴ

ՍԻՄ նախագահ
ՀԱՅԿ ԲԱԲՈՒԽԱՆՅԱՆ
Երեւան
18 սեպտեմբերի 2020թ.