«Դիմակների պարտադիր կրումը` հատկապես այս եղանակին, կարող է հանգեցնել անկանխատեսելի հետեւանքների».Համաճարակաբան

ԱՀԿ-ն հայտարարում է, որ հերձումը վտանգ չի ներկայացնում. ուրեմն ինչո՞ւ մեզ մոտ այդ հերձումն անգամ արգելեցին

Արդեն շուրջ երեք ամիս է, ինչ կորոնավիրուսը ահագնացող տեմպերով տարածվում է մեր երկրում, սակայն Հայաստանյան իշխանությունները միայն նոր որոշեցին, որ մարդիկ պետք է պարտադիր դիմակ կրեն:

Նախօրեին էլ տեղեկացանք, որ պարետատունն ունի նոր որոշում, այն է` բաց տարածքներում այսուհետ պարտադիր կերպով պետք է դիմակ կրել:
Արդյո՞ք դիմակ կրելը չի կարող հավելյալ առողջական խնդիրներ առաջացնել տարբեր ակնհայտ եւ թաքնված հիվանդություններ ունեցող մեր քաղաքացիների մոտ, հաշվի առնելով նաեւ ամռան տապը:

Կորոնավիրուսի հետևանքների հնարավոր չեզոքացման ուղղությամբ իրականացվող միջոցառումների շուրջ էլ, NEWSMEDIA.am-ը զրուցել է համաճարակաբան Գրիգոր Գրիգորյանի հետ, ով անդրադառնալով նախ վերջին օրերին արվող որոշ հայտարարությունների, նկատեց.

-Դեռ դեկտեմբեր ամսին, ես որպես միջազգային փորձագետ՝ ստանում եմ տեղեկատվություն կազմակերպություններից. անհայտ հիվանդությունների բռնկման հետ կապված: Երբ այդ տեղեկատվությունը ստացա՝ մինգամից բարձրաձայնեցի, եւ հորդորեցի անհապաղ կանխարգելիչ միջոցներ ձեռնարկել` հաշվի չառնելով, որ Չինաստանը մեզանից հեռու է:

Որովհետեւ ցանկացած երկիր՝ նման ահազանգից հետո, վառում է իր պաշտպանիչ լույսը, եւ կանխարգելիչ միջոցառումներ է իրականացնում: Ինչը սակայն, արժանացավ մեր առողջապահության ոլորտի պատասխանատուների ծաղրանքին:

Նույնը, հունվարի 8-ին, երբ թույլ տվեցին երկիր մուտք գործել Վրաստանից 18 հոգի. ակնհայտ վարակիչ հիվանդության նշաններով, որը հետագայում պարզվեց, որ նոր կորոնավիրուսի դրսեևորումներ են: Անմիջապես արձագանքեցի, բայց պատասխանը եղավ այն, որ ամեն ինչ արվում է, եւ որ ամեն բան նորմալ է: Նկատենք, որ դրանից մեկ օր առաջ` հունվարի 7-ին, ԱՀԿ-ն հայտարարել էր, որ կա նոր կորոնավիրուս:

Դրանից հետո, ամբողջ փետրվար ամսվա ընթացքում, ես ունեցել եմ հանրային ելույթներ, եւ զգուշացրել, որ գործ ունենք անհայտ հարուցիչի հետ, եւ որ չի կարելի մատների արանքով նայել այդ ամենին: Բայց տեսնաք, որ այդ ընթացքում իշխանությունը բռնազավթած խմբավորման նեկայացուցիչները՝ ինչ ելույթներ էին ունենում: ժողովուրդը՝ այդ ամենի մասին, անգիր գիտի:
Մարտի 1-ին, միայն հայտարարեցին, որ հիվանդությունը գրանցվել է, որից հետո ոչ մի գիտական հիմնավորված միջոցառում՝ չարվեց: Իսկ հիմա սկսել են խուճապային հայտարարություններ անել, ինչը ըստ իս չափազանցված է:

-Պարոն Գրիգորյան, նկատի ունեք որ Կորոնավիրուսը ամենեւին էլ այն վտանգավորությունը չունի՞. ինչի մասին որ պարբերաբար բարձրաձայնվում է:

-Վիրուսը գոյություն ունի. ես չեմ կարող ասել, որ այն գոյություն չունի: Այն խոսակցությունները, ըստ որի. նման վիրուս չկա` սին խոսակցություններ են: Իրականում՝ կա նման վիրուս: Բայց այն ինչպես որ ներկայացնում են մեզ մոտ` իրականությանը չի համապատասխանում:

-Այսինքն ինչ-որ բան ուռճացվո՞ւմ է : Կմանրամսնե՞ք՝ինչումն է խնդիրը:

- Ուռճացվածը՝ շատ մեղմ է ասված: Տեսեք, եթե ԱՀԿ-ն հայտարարում է, որ հերձումը վտանգ չի ներկայացնում, ուրեմն ինչո՞ւ մեզ մոտ այդ հերձումն անգամ արգելեցին: Այսինքն ցանկացած մարդ, ով կարող է մահանալ տարբեր հիվանդություններից, ասում են. մահացավ կորոնավիրուսից: Ընդ որում՝ առանց որեւէ ապացույցի: Այսինքն, չի ներկայացվում ապացույց՝ որ հենց կորոնավիրուսն է դարձել հիվանդի մահվան պատճառը:

-Պարոն Գրիգորյան, տեսեք Դուք նշում եք. որ այո վիրուսը կա, բայց այն այդչափ վտանգավոր չէ` ինչքանով որ ներկայացվում է: Բայց ահա երեկ պարետատունը որոշում կայացրեց՝ դիմակ կրել անգամ փողոցում: Սրա մասին ի՞նչ կասեք:

-Սա անհեթեթություն է . ես գնալով ավելի ու ավելի եմ համոզվում, որ հայտարարված արտակարգ դրությունը՝ ծառայում է այլ նպատակների:
Եւ այն հայտարարությունները, որոնք որ այս ամիսներին արվում էին մասնագետների կողմից՝ ոչ մի աղերս չունեին այս հիվանդության համաճարակաբանության հետ: Եւ բացի այդ, այն ինչ-որ հիմա է կատարվում է, կարծես թե խոսում է այն մասին, որ իշխանությունները համագործակցելով որոշ օտարերկյա ուժերի հետ՝ իրականացնում են որոշակի գործողություն, որին իմ կարծիքով՝ պետք է տրվի իրավական գնահատական:

-Պարոն Գրիգորյան, իսկ դիմակ կրելու խստացված կանոնները, կարո՞ղ է այլ լրացուցիչ առողջական խնդիրների հանգեցնել:

-Այո, այս դիմակների պարտադիր կրումը՝ այս եղանակին կարող է հանգեցնել անկանխատեսելի հետեւանքների:Նամանավանդ՝ տարեց եւ խրոնիկ հիվանդություններ ունեցող մարդկանց շրջանում: Եվ սա եւս շատ հնարավոր է, որ այս խմբավորումը ներկայացնի՝ որպես կորոնավիրուսի նոր հետեւանքներ:

NewsMedia.am 

Լուրեր  Հայաստանից եւ աշխարհից