Հիմա սիրուն ա՞, որ ասենք դեկտեմբերի 30-ին, ժամը 13:00-ին ինձ ծանուցում եք ուղարկում. դեկտեմբերի 30-ին, ժամը 10-00-ին, որպես տուժող ներկայանալ եւ ծանոթանալ թիվ 57165719 քր. գործի նյութերին

Ս. թ-ի դեկտեմբերի 30-ին, ժամը 13:00-ին ՀՀ Քննչական Կոմիտեի Արմավիրի մարզային Քննչական վարչության Վաղարշապատի քննչական բաժնից ծանուցում եմ ստանում այն մասին, որ ս.թ-ի դեկտեմբերի 30-ին ժամը 10:00-ին կարող եմ ներկայանալ Վաղարշապատի Քննչական բաժին, եւ ծանոթանալ թիվ 57165719 քր. գործի՝նախաքննության ավարտի հետ կապված նյութերի մանրամասներին:
Ծանուցումը՝ներկայացնում եմ ստորեւ.

 Հ. Գ1

Հիշեցնեմ որ, 2019 թվականի մարտի 25-ին, ընթերցողի դատին էի ներկայացրել իմ եւ Ամբերդ համայնքի ղեկավար, նախկին ՀՀԿ-ական Մանվել Բաբայանի միջեւ տեղի ունեցած զրույցի (ձայանգրության) ուշագրավ դրվագները:

Հիշեցնեմ նաեւ, որ 2019 թվականի սեպտեմբեր ամսից սկսած՝ հետաքննություն էինք իրականացնում նույն համայքնում՝ պարզելու, թե ինչ մեխանիզմով եւ ինչ ճանապարհով էին Ամբերդի բնակիչների միջեւ բաշխվել համայնքապետարանից տրվող սոցիալական օգնությունները: Միեւնույն ժամանակ, հարցադրում էինք հնչեցրել այն մասին, թե ինչպե՞ս էր ստացվել որ սոցիալապես խիստ անապահով խավը՝ այդ թվում նաեւ վագոն-տնակներում ապրող մարդիկ, գրեթե չեն օգտվել այդ գումարներից. իսկ ահա շքեղ առաննձնատներում բնակվող ամբերդցիները՝ այդ թվում նաեւ համայնքապետ Մանվել Բաբայանի յուրայիններն ու բարեկամները՝ յոթը պորտով ընդգրկվել էին սոցիալական օգնություն ստացող անապահովների ցանկում:

Ինչեւէ, այդ օրերին էր,երբ բնակիչների խնդրանքով, հերթական անգամ այցելել էինք Ամբերդ համայնք՝ լուսաբանելու, թե ինչպես են վագոն-տնակներում բնակվող բնակիչները կազմակերպում իրենց առօրյան, կենցաղը, եւ թե ինչպես են կիսաքանդված վագոն-տնակներում գոյատեւում արդեն տասնինը տարուց ավելի:

Եւ մինչ այդ օրը փորձում էինք զրույցի բռնվել համայնքի բնակիչների հետ, հանկարծ 093 325962 հեռախոսահամարից զանգահարում է Ամբերդ համայնքի ղեկավար, նախկին ՀՀԿ-ական Մանվել Բաբայանը, եւ հայհոյանքների, զրպարտանքների ու սպառնալիքների տեղատարափով փորձում է ճնշում գործադրել իմ օրինական գործունեության վրա:Վերջինս զգուշացնում էր, որ շատ ենք գալիս Ամբերդ համայնք, եւ որ դրա վերջը վատ է լինելու, ու որ չենք մարսելու:

Մանվել Բաբայանի հոխորտանքներն ու վիրավորանքները՝ (հայտնի Ձայնագրությունը) եւս մեկ անգամ ներկայացնում եմ ընթերցողի դատին.

Հիմա հարց. թավիշ կտրած  Քննչական Կոմիտեին եւ այս քր. գործի նախաքննության ընթացքում, քնարական զեղումներով աչքի ընկած քննիչ՝ Ա. Հովհաննիսյանին, ով նախաքննության ընթացքում հեքիաթներ էր պատմում. թե բա սիրուն չի երբ (սոցիալական օգնություն ստացած) համայնապետի տեղակալի առանձնատունը նկարում ու հրապարակում ենք կայքերում:

Հիմա երիտասարդ. սիրուն ա՞, որ ասենք դեկտեմբերի 30-ին, ժամը 13:00-ին, ինձ ծանուցում եք ուղարկում, թե բա դեկտեմբերի 30-ին՝ ժամը 10:00-ին, որպես տուժող կարող եմ  ներկայանալ ՀՀ Քննչական Կոմիտեի Արմավիրի մարզային Քննչական վարչության Վաղարշապատի քննչական բաժին, եւ ծանոթանալ թիվ 57165719 քր. գործի նյութերին:

Չէի զարմանա, որ նամակի վրա նշված լիներ ամսի 33 ին ՝իննշաբթի օրը,  ներկայանալ Վաղարշապատի քննչական բաժին…

Շնորհավոր Ամանոր եւ Սուրբ Ծնունդ:

NewsMedia.am

Լուրեր Հայաստանից եւ Աշխարհից