Ով ում հասնի՝ գնդակահարում ա. հիմա էդ նույն մեքենան որ զրահապատ չէր, ապակիները մգեցված չէր , ու եթե էդ նույն ԱԱԾ-ականներից մեկը՝ զանգում ինչ-որ մեկին ասում էր դուրս եկավ… ու գնում «գռցնում էին» վարչապետի մեքենայի վրա.ո՞վ էր պատասխան տալու

Ռո նախկին աշխատակից Վարդան Ղուկասյանը, NewsMedia.am-ի հետ զրույցում անդրադառնալով անցնող շաբաթվա ուշագրավ զարգացումներին, մասնավորապես վարչապետ Փաշինյանի «Հանպատրաստից, տանու շորերով «փախել էինք» կառավարական ամառանոցից ու ՊՊԾ-ից» հայտնի հայտարարությանն ու իրադարձությանը, նշեց.

-Այդ ամենից ես զարմացած, եւ ապշած. ես ինքս ձայն եմ տվել Փաշինյանին, եւ որպես քաղաքացի մտահոգ եմ, թե ինչ կարող էր տեղի ունենալ ժողովրդի վարչապետի հետ:Եւ ինչ վերաբերում է այդ օրվա այսպես ասած՝ շրջագայությանը, ապա վերաբերմունքս խիստ բացասական է:Որովհետեւ պարոն Փաշինյանը՝ այստեղ չի խաղում միայն իր եւ իր ընտանիքի ճակատագրի հետ . նա խաղում է հեղափոխության եւ ժողովրդի ճակատագրի հետ:Ես մի բան չեմ կարողանում հասկանալ. ի՞նչ է նշանակում այն արատահատությունը. թե փախանք՝ԱԱԾ աշխատակիցներից:

Բա շատ ներեղություն.իսկ ինչո՞վ էին զբաղված այդ աշխատակիցները.խոտ էի՞ն ուտում: Այսինքն ինչ ա նշանակում. մարդն իրա « նաֆարին » վերցնում՝ նստում ա մեքենան դուրս ա գալիս կառավարական առանձնատնից, ու իրա անվտանգությունը տեղյակ չի՞ ….
Իսկ եթե հիմա դուք կասեք. Փաշինյանը կարող էր նրանց արգելել. ես էլ Ձեզ կասեմ, որ Փաշինյանը չի կարող արգելել՝ որ իրեն չպիտի ուղեկցեն:

Ասելիքս այն է, որ տվյալ դեպքում. ինքը շատ փոքր մարդ է՝որ արգելի, կամ չարգելի, որպեսզի ապահովեն երկրի ղեկավարի անվտանգությունը:
Եւ եթե էս վիճակի մեջ ա երկրի թիվ մեկ պաշտոնատար անձի անվտանգությունը, շատ ներեղություն. ես ինչ խոսեմ հասարակ մահկանացուների մասին:

-Բայց նկատենք, որ Նիկոլ Փաշինյանը Ազգային անվտանգության մարմինների ծառայողի օրվան նվիրված հանդիսավոր նիստին հայտարարեց, որ ԱԱԾ-ն երբեք չի անցել կարմիր գծերը, եւ որ ինքը վստահում է ԱԱԾ-ին:

-Ես իրա փոխարեն չէի վստահի:

-Ինչո՞ ւ…

-Իմ կարծիքով դրա պատասխանը բոլորը գիտեն: Այն իրավիճակը, որ այսօր տիրում է հանրապետությունում. էդ ալան-թալանը, էդ հանցագործությունները , էն քրեածին մթնոլորտը, որը որ կա. կներեք՝ դա չի կարող վստահություն ներշնչել ոչ մի ուժային կառույցի նկատմամբ:
Միգուցե էդ մարդը գնաց ՝ԱԱԾ-ի տոնին մի երկու լավ բան ասեց եկավ, մի քիչ ուրախացանք…Դա հարցի լուծում չի :
Էսօր Երեւան քաղաքում տեսնում ենք.ազատ ով ում հասնի՝ գնադակահարում ա: Հիմա էդ նույն մեքենան որ զրահապատ չէր, ապաակիները մգեցված չէր . երեւում էր՝ ով ա նստած մեքենայի ղեկին , ու եթե նույն ԱԱԾ-ականներից մեկը՝ զանգում ինչ որ մեկին ասում էր դուրս եկավ… ու գնում «գռցնում էին» վարչապետի մեքենայի վրա.ո՞վ էր պատասխան տալու:

Ինձ շատ հետաքրիքր ա. օրինակ ինչ էր ասելու ԱԱԾ-ն, որ Նիկոլ Փաշինյանը մեզ արգելեց ապավել իր անվտանգությո՞ւնը: Ասելու էին.վարճապետը դուրս էր եկել զբոսանքի՝ «գյուլեցին» գնացի՞ն:
Մարդիկ մտան խորհրդարան՝ «մաղին» հելան: Այսինքն, եթե խնդիր լիներ ահաբեկչության ՝դրա դեմը ոչ ոք չէր կարողանալու առնել:
Հիմա դա եմ ուզում հասկանալ. եթե էդ մարդուն ուղարկեին «երկնային գրասենյակ»՝ ո՞վ էր դրա պատասխանը տալոււ: ԱԱԾ-ն՝ հաստատ չէր տա:
Եւ ընդամենը 72 ժամ հետո, Ռոբերտ Քոչարյանը կգտնվեր ազատության մեջ: Երդվում եմ՝պատվովս:

Եւ ես չեմ զարմանա, եթե մի գեղեցիկ օր՝ մտնեն պարոն Նիկոլ Փաշինյանի կաբինետ, եւ նրան էնտեղ ձերբակալեն:Խնդրում եմ. այդ մասը չհանենք:

-Պարոն Ղուկասյան, մենք երբեւէ Ձեր խոսքից ոչ մի դրվագ չենք «հանել», ի դեպ…

-Դրա համար էլ, Ձեզ քիչ հետո կտրամադրեմ այլ փաստեր եւս. բազում խայտառակ երեւույթների, այդ թվում նաեւ ուսադիր կրող պերսոնաժների հետ կապված:

Իսկ մեր հարգարժան վարչապետին ուզում եմ ասել. որ թավիշ –թավիշ անելով, չստացվի, որ մի օր էլ իրեն տանեն՝Վարդաշեն քրեակատարողական հիմնարկ:Չի կարելի. Պարո՛ն Փաշինյան, սթափվե՛ք… Հեռու չէ այն օրը, երբ կմտնեն Ձեր աշխատասենյակ, եւ կասեն՝ Դուք ձերբակալված եք:

-Ո՞վ կգնա նման քայլի ըստ Ձեզ:

-Ուժայինները:

-Ի դեպ, ի՞նչ դիտարկումներ ունեք ՀՀ գլխավոր դատախազ Արթուր Դավթյանի դեմ իրականացվող ակցիաների հետ կապված, (որի շրջանակներում մասնավորապես իրավապաշտպանները) պահանջում են Արթուր Դավթյանի հրաժարականը:
Որքանո՞վ է թավշյա Հայաստանի հետ ներդաշնակ Արթուր Դավթյանի պատոնավարումը՝մինչ օրս:

-Պարոն գլխավոր դատախազը՝համեստորեն, ջանասիրորեն, եւ քնքշորեն շարունակում է ծածկադմփոց անել բազմաթիվ հանցագործություններ: Որոնք որ իրականացվել են՝ մասնավորապես նախկին ուժային կառույցների ղեկավարների կողմից: Տեսեք՝ մինչ օրս, որեւէ մեկը պատասխանատվության չի ենթարկվել:
Այսինքն դուրս է գալիս, որ Սերժ Սարգսյանի ուժային կառույցների ղեկավարները՝Կուտոյան, Հովսեփյան, Գասպարյան՝ մաքուր էին:

-Բոլոր դեպքերում, Նիկոլ Փաշինյանը շարունակում է հայտարարել, քյաբաբ առ քյաբաբ՝ բացահայտելու են…

-Ես չգիտեմ ինքը քյաբաբ առ քյաբաբ, թե ձվաբջիջ առ ձվաբջիջ՝ ինչն է բացահայտելու, բայց որ մինչ օրս իր հայտարարություններին համարժեք տեղաշարժեր չկան՝փաստ է:
Չգիտեմ՝ ինքը ինչ մենյուով ա գնալու , բայց փաստը նա է, որ ոչինչ հետ չի գալիս: Մարդիկ երեխա են ծախել՝ նոր-նոր են իմանում էդ մասին: Երեխեքի դիակները՝ բա ո՞ւր են. դատաբժշկական փորձաքննությունները՝ ո՞ւր են:Բա ԱԱԾ-ն ո՞ւր էր, ոստիկանությունը՝ ո՞ւր էր…

-Դե հիմա թավշյա ուժայիններ ունենք՝բռնեցին սրիկաները ձեռքը:

-Ապրեն, դե հիմա կտեսնենք, թե քանի ուժային կառույցի աշխատող ա դրանով նստելու:

NewsMedia.am
Լուրեր Հայաստանից եւ Աշխարհից: