«Էդ լուրերը սուտ են. մեզ ոչ մեկ դեպորտ չի արել, Հայաստանն էլ՝ մեր պապական երկիրն ա, մենք ստեղից ուրիշ գնալու տեղ չունենք»

Այսօր, մամուլում տեղեկություններ էին հրապարակվել այն մասին, թե ԱԺ նախկին պատգամավոր Առաքել Մովսիսյանը՝ «Շմայսը» մականունով, նախորդ տարվա դեկտեմբերին ընտանիքով մեկնել էր ԱՄՆ՝ նպատակ ունենալով մշտական բնակություն հաստատել այդ երկրում: Սակայն ԱՄՆ ներգաղթային ծառայության կողմից չեղյալ է հայտարարվել Հայաստանում ԱՄՆ դեսպանատան կողմից 10 տարվա ժամկետով տրամադրված մուտքի արտոնագիրը, և Մովսիսյանը ստիպված է եղել վերադառնալ Հայաստան:
Իրականում, թե ի՞նչ խնդիրների առաջ է կանգնել Մովսիսյանը, եւ թե ինչո՞ւ էր նա մեկնել ԱՄՆ, մեր թղթակիցը փորձեց պարզել նրանից, ով անդրադառնալով այդ տեղեկություններին,  ասաց, որ դրանք իրականության հետ որեւէ կապ չունեն, եւ որ ինքը ուրախ առիթով է վերջին անգամ մեկնել ԱՄՆ.

-Ես իմ ընտանիքի հետ ԱՄՆ մեկնել եմ՝ մասնակցելու մեր լավ ընկերոջ 50-ամյակին: Ու ոչ մի տենց խնդիրների առաջ մենք չենք կանգնել, ու ստից լուրեր էլ պետք չի տարածել: Մեզ ոչ մեկ «դեպորտ» չի արել, ու հիմա էլ մենք որեւէ երկիր մեկնելու խնդիր չունենք՝զուտ առիթի դեպքում: Մենք 15 տարի է գնում-գալիս ենք ԱՄՆ. էդ ի՞նչ մի զարմանալու բան կար: Ու էդ ի՞նչ պատահեց, որ հիմա տենց լուրեր որոշեցին հնարել ու տարածել. մի բան որ իրականության  հետ ընդհանրապես կապ չունի: Էս մեր պապական երկիրն ա, ստեղ մենք սրբավայրեր, գերեզմաններ ունենք. ախպեր ընկեր, հարազատ, հերոսներ ունենք կորցրած, որ նրանց առաջ դեռ պատք ունենք տալու: Էս կիսապատերազմական պյայմաններում, դուք ի՞նչ եք կարծում. մենք պիտի թողնենք գնա՞նք: Չկա տենց բան, ն ու չի կարա լինի. էս  մեր տունն ա, մեր հողն  ու ջուրը, մեր երկիրը. երբ էլ պետք լինի հանուն  մեր երկրի  պիտի կանգնենք  մինչեւ վերջը,  ու ամուր պահենք մեր հողը: 

Ես  դավաճան չեմ. իմ տունը՝ իմ Հայաստանն ա, թե էդ սուտ լուր գրողներն էլ ի՞նչ նպատակով են նման անհիմն լուրեր  հորինում՝ կիմանան իրանց տենց լուրեր տրամադրող սուտասանները: