Դուք տեսել ե՞ք, որեւիցէ հայտնի հեղինակության, որը բացահայտ սպասարկել է ՀՀԿ-ի շահերը, այսօր հայտնվի՝ ճաղերի հետեւում. իհարկե ոչ...

«Այո, այսօր տեղային հաշվերհարդարների եւ դասական բեսպրիդելի դեպքերի աճ է նկատվում, որը ոստիկանության եւ համապատասխան ուժային կառույցների աշխատանքի արդյունքն է: Ցավոք մեզ մոտ ուժային կառույցները սպասում են ՝մինչեւ որ ինչ-որ աղմկահարույց դեպքեր արձանագրվեն, հետո նոր գործի անցնեն: Ինչը իհարկե շատ սխալ է»,-Fnews.am-ի թղթակցի հետ զրույցում, անդրադառնալով վերջին ամիսների հանցագործությունների քրոնիկոնին, ասաց քաղաքագետ ԳԱԳԻԿ ՀԱՄԲԱՐՅԱՆԸ, միառժամանակ նկատելով.

-Կրիմինալի աճին նպաստել են նաեւ համաներումով ազատ արձակվածները: Ամեն օր տեսնում ենք, թե ինչպես են այդ նույն համաներված մարդիկ նոր, ակտիվ հանցագործությունների մեջ ներգրավվում:Ինչ վերաբերում է կոնկրետ քրեականների ակտիվացմանը, ապա այսեղ եւս իշխանափոխություն է է տեղի ունենում: Մասնավորապես, նախկին իշխանություններին սպասարկող կրիմինալներին փոխարինելու են գալիս նորերը:

-Ուզում եք ասել, որ ՀՀԿ-ին սպասարկող քրեականները այլեւս անկաշկանդ չե՞ն գործում:

-Իհարկե ոչ, ավելին՝ եթե ակտիվություն էլ չեն դրսեւորում, ապա ոչ էլ պատժվում են ներկայիս իշխանությունների կողմից: Դուք տեսել եք, որեւիցէ հայտնի հեղինակության, որը բացահայտ սպասարակել է ՀՀԿ-ի շահերը եւ հազարավոր ձայներ են բերել ՀՀԿ-ին, այսօր հայտնվի՝ ճաղերի հետեւում. ոչ իհարկե: Հարց է առաջանում. Ինչո՞ւ են ՀՀԿ-ին սպասարկող քրեականները շարունակում ակտիվ խաղալ այս դաշտում:

-Պարոն Համբարյան, անդրադառնանք ներքաղաքական իրավիճակին. ո՞ւր են տանում ներկայիս ներքաղաքաղաքական զարգացումները:

-Նախ պետք է ասեմ, որ երբեւիցէ ՀՀ-ում այսքան տխուր քաղաքական դաշտ չէր եղել: Ես չգիտեմ մենք այսպես ինչքան ենք դիմանալու ու ուր ենք գնալու: Ես որքան նկատում եմ, մեզ փորձում են տանել 2014-2015թվականների ուկրաինական սցենարով: Որը շատ մեծ վտանգներ է իր մեջ պարունակում: Ուկրաինան ինքը չմարսեց այդ ամենը, հասարակությունը այն ձեւով պառակտվեց, որ մինչեւ հիմա չի կարողանում ուշքի գալ: Բայց ի տարբերություն Ուկրաինայի թշնամինների, որ ՌԴ-ն է, այստեղ այլ է իրավիճակը…քանի որ ՌԴ-ն թշնամի է ընդամենը ուկրաինական իշխանություններին , այլ ոչ թե ուկրաինացի ժողովրդին: Իսկ ահա մեր տարածաշրջանում ունենք երկու թշնամական պետություններ: Եվ այսօր երբ մենք ներսից այս աստիճան թշնամանում ենք մեկս մյուսի դեմ, էլ ինչի՞ համար պետք է Թուրքիան եւ Ադրբեջանը մեծ ջանքեր գործադրեն մեր դեմ: Մենք ինքներս մեզ ինքնաոչնչացման ենք տանում, չի կարելի: Ի վերջո եկեք հասկանանք, ամեն բան գեղեցիկ է չափի մեջ: