Տիկին Զոհրաբյան, ես չգիտեմ կաստիգն ինչ է, դեֆիլեն ինչ է, մի պատասխանեք «Իմ քայլին» ուղղված մեր ելույթներին. Էդմոն Մարուքյան

ԱԺ Լուսավոր Հայաստան խմբակցության ղեկավար Էդմոն Մարուքյանը նիստի ընթացքում հանդես եկավ ելույթով և մի քանի շեշտադրումներ արեց երեկվա քննարկումների հետ կապված:

«Մեր գործընկերները ԲՀԿ-ից փորձում էին մեզ պատասխանել: Հնչեց միտք, որ ԼՀԿ-ն հայտարարել է ընդդիմություն է իշխանությանը, բայց ստացվում է` ընդդիմություն է ԲՀԿ-ին, մենք հստակ շեշտադրում ենք կատարել, որ մեր ելույթները ձեզ ուղղված չեն, դուք ունեք թեկնածու, մեր ելույթները ուղղված են այն խմբակցությանը, ով չունի թեկնածու, մենք կռիվ ենք տալիս մեր ելությներում, որ մեր թեկնածուն հաղթի, էդ կռվի մեջ դուք մտնում եք մեզ հետ կռիվ եք անում: Մենք ձեզ հետ որևէ կռիվ չենք տվել, եթե դրա կարիքը լինի, ես ըւնդհանրապես, չեմ հապաղի հետ գնալ և սկսել ինչ-որ բաներ ասե, օրինակ` մեր կուսակցությունից չեն չէ՞ նախարարների փողոցից հեռացրել ու անվանել հակահեղափոխական, բայց դա մենք չենք ասել, հիմա ստիպում եք, որ ասենք»,- հայտարարեց Մարուքյանը և կոչ արեց ԲՀԿ պատգամավորներին չմտնել այդ կռվի մեջ, որովհետև իրենք կռվում են իշխանության հետ:

Մարուքյանն անդրադարձավ հնչեցրած այն հարցին արդյո՞ք կա երրորդ ճանապարհ ԱԺ ընդդիմադիր փոխխոսնակ ընտրելու համար: «Կա երրորդ ճանապարհ. առաջին ճանապարհն ընտրել տիկին Թանդիլյանին, երկորրդ ճանապարհն ընտրել պարոն Էնֆիաջյանեին, երրորդ ճանապարհը թողնել ազատ ընտրության»,- նշեց նա:

Այնուհետև Մարուքյանը պատասխանեց «Իմ քայլը» խմբակցության այն պատգամավորներին, որոնք զարմացել էին ԼՀԿ ելույթներից: «Ես նկատեցի «Իմ քայլը» դաշինքի ելույթներում, որ բայց դուք ինչի՞ց եք վերցրել, որ մենք ուզում ենք Էնֆիաջյանին ընտրենք, որ այդպիսի ելությներ եք ունենում: Ժողովուրդ ջան, մի քանի կարևոր մարդիկ ձեր կուսակցությունից հարցազրույցներ են տվել և նման բան հայտարարել, մենք օդի՞ց ենք վերցնում որ նման ելույթներ ենք ունենում, եթե իրարից տեղյակ չեք, տեղեկացեք»,-հայտարարեց նա:

Նրա խոսքով` չկա այնպիսի դրույթ, որ պետք է պարտադիր երկու փոխխոսնակները լինեն իշխող ուժից: «5 ուժ չէ խորհրդարանում, կարող էիք մեկ փոխխոսնակը իշխությունից ընտրել, մյուսը ԲՀԿ-ից, երրորդն էլ ԼՀԿ-ից, Սահամանդրությունը չի պարտադրում երկու փոխխոսնակները լինեն իշխպանությունից»,- շեշտեց նա:

Նա անդրադարձավ նաև ԲՀԿ-ական պատգամավոր Նաիրա Զոհրաբյանի այն հայտարարությանը, թե իրենք կաստինգ-դեֆիլեի չեն մասնակցում ԼՀԿ-ի հետ:«Ես չգիտեմ` կաստինգ-դեֆիլեն ինչ է,ես չեմ հետևում կաստինգների կամ դեֆիլեների, տիկին Զոհրաբյան դուք երևի գիտեք: Ես ձեզ կոչ կանեմ տիկին Զոհրաբյան, մեր ունեցած ելույթներին, ոոնքր ուղղված են «Իմ քայլը» դաշինքին չպատասխանել»,- նշեց նա:

Եզրափակելով ելույթը Մարուքյանն ասաց, որ իրենց խմբակցության պատգամավորներին ազատ կթողնեն 2 փոխխոսնակների ընտրության հարցում:

yerkir.am