video Ես Գալուստ Գրիգորիչը չեմ, բայց երբեմն ինձ էլ է դժվար հասկանալ. Շարմազանովը՝ Ծառուկյանի մասին

«Ամենի ինչ հոսում է, ամեն ինչ փոփոխվում է». այս մասին այսօր ԱԺ-ում լրագրողների հետ զրույցում ասաց ԱԺ փոխնախագահ, ՀՀԿ խոսնակ  Էդուարդ Շարմազանովը՝ անդրադառնալով Գագիկ Ծառուկյանի՝ քաղաքականություն վերադառնալու վերաբերյալ հարցերին: Նա մի քանի անգամ կրկնեց, որ իրենք երկու տարի առաջ փետրվարի 12-ին գնահատական են տվել ոչ թե անձին, այլ երևույթներին. «Մենք խոսել ենք երևույթների մասին, մեկ անգամ ձեզ բարեկամաբար հորդորել եմ, հիմա նորից խնդրում եմ՝ շատ հետ մի՛ նայեք, վիզներդ ծուռ կմնա, նայեք առաջ։ Կգան ընտրություններ, կտեսնենք։ Մի՛ զարմացեք, գալիս է, չի գալիս, իր իրավունքն է»:

Հարցին՝ հանրությունը պետք է մոռանա՞, թե ինչեր ասաց երկու տարի առաջ Սերժ Սարգսյանը Գագիկ Ծառուկյանի հասցեին, ինչպիսի պիտակավորումներով բնորոշեց նրան, Շարմազանովը պատասխանեց․ «Կարծում եմ հանրությունը ոչ մի բան չի մոռացել: Ես հանրության անունից չեմ կարող խոսել: Ամեն ինչ փոփոխվում է»:

Հարցին, թե Գագիկ Ծառուկյան երևույթն այսօր էլի քաղաքական չարի՞ք է, թե՞ ոչ, Շարմազանովն ասաց․ «Ես կասեի, որ նույն բացասական գետը երկրորդ անգամ չեն մտնի։ Մենք ակնկալում ենք ազատ, արդար, բաց, թափանցիկ մրցապայքար»։

«Ուզում ենք հասկանալ՝ տեղի ունեցածից երկու տարի հետո Գագիկ Ծառուկյանը «Դոդի Գագո՞» է, թե՞ ոչ». այս հարցին ի պատասխան՝  Շարմազանովն ասաց. «Ես Գալուստ Գրիգորիչը չեմ, բայց երբեմն ինձ էլ է դժվար հասկանալ»։

Մանրամասները՝ տեսանյութում:

http://www.1in.am/2057514.html