Բացառիկ ՏԵՍԱՆՅՈՒԹԵՐ.Վահան Զատիկյանի մահը ևս կասկածահարույց էր.Կասկած կար, որ նրան թունավորել են... իսկ ինչո՞ւ սպանեցին նրա որդիներին...

Criminal.am-ը գրում է.

Մալաթիա-Սեբաստիա համայնքի նախկին թաղապետ, ԱԺ պատգամավոր, լուսահոգի Վահան Զատիկյանի որդու՝ Սեդրակ Զատիկյանի դաժան սպանությունից անցել է ուղիղ ութ տարի, իսկ թե ինչու՞ Էին պատվիրել՝ սպանել պատգամավորի երկու որդիներին, եւ ինչու...
26-ամյա երիտասարդը պատվիրված սպանության զոհ դարձավ 2006-ի հունիսի 22-ին. Սեբաստիա-Տիչինա խաչմերուկում, օրը ցերեկով ու մարդաշատ վայրում ավտոմատից արձակված կրակահերթերը դարձան ոչ միայն Սեդրակի, այլ նաև պատահական անցորդի՝ 3 անչափահաս երեխաների մոր մահվան պատճառ: Դեպքից անմիջապես հետո, րոպեներ անց, երբ ականատես եղա, թե ինչպես են երիտասարդի անշնչացած մարմինը փորձում հանել մեքենայից, ինչի համար անհրաժեշտ եղավ էլեկտրական սղոց՝ ղեկը կտրելու միջոցով հեռացնելու նպատակով, հասկացա, որ նման բան կարող է անել միայն նենգ թուրքը: Այդ տեսարանի դաժանության մեջ այնքան ատելություն, չարություն ու լկտիություն կար խտացված, որ զգում էիր, թե սպանության կատարողը կամ պատվիրատուն ուղղակի իրենց կամքից անկախ հանգամանքներով այդտեղ մարդկանց կոտորած չեն սարքել:

Դեպքի վայրի անմիջական հարևանությամբ տրանսպորտային կանգառ է, իսկ երթևեկությունը՝ խիտ: Ցանկացած երթևեկելի միջոցի գազաբալոնին դիպած ընդամենը մեկ փամփուշտը կարող էր պայթյունի և տասնյակ զոհերի պատճառ դառնալ: Հնարավոր է, որ նույնիսկ արդեն վիրավորված Սեդրակը, զգալով, որ կորցնում է մեքենայի կառավարումը, միտումնավոր է դուրս եկել դիմացի երթևեկելի գոտի և բախվել բեռնատարին, որպեսզի մեքենայի անկառավարելի ընթացքից ավելի շատ զոհեր չլինեն: Հենց բեռնատարի հետ բախման տեղում էլ նա մահացել էր:
Կրակոցներն արձակվել էին ընթացող մեքենային վարորդի՝ Սեդրակի ուղղությամբ, սկզբում՝ դիմահար, հետո՝ կողքից, ինչի հետևանքով էլ տարածքում մնացել էին սպանվածներ, իսկ մարդասպանը արագ լքել էր տարածքը: Նա կրակել էր գողացված զենքով, ըստ քրեական գործի՝ Ստեփան Հակոբյանի 100.000 դոլար խոստման դիմաց, եթե սպաներ Սեդրակ և Անդրանիկ Զատիկյան եղբայրներին: Միայն Սեդրակին էր հասցրել սպանել, և ստացել էր խոստացված պարգևավճարի միայն մի մասը: 2013-ի հունվարի 13-ին՝ եղբոր պատվիրատուի դատավարությունից անմիջապես առաջ, առեղծվածային պայմաններում գտան նաև Անդրանիկի դին...

<Մալաթիա> ջոկատի հրամանատար, Մալաթիա-Սեբաստիա համայնքի նախկին թաղապետ, ԱԺ պատգամավոր, լուսահոգի Վահան Զատիկյանի ընտանիքի ճակատագիրը չափազանց դաժան ստացվեց. խաղաղ պայմաններում, յոթը տարվա պարբերականությամբ այդ ընտանիքի անդամների մահվան դեպքերը և սպանությունները չէին կարող պատահականություններ լինել:

Մանրամասները` սկզբնաղբյուրում: