Թրամփի իմպիչմետի գործընթաց՝ օր իններորդ

ԱՄՆ նախագահ Դոնալդ Թրամփը Միչիգանում իր կողմնակիցների հանրահավաքի ընթացքում քննադատեց իմպիչմենտի գործընթացը՝ այն որակելով ամոթալի երկրի համար:

Իսկ Սենատում ավարտին հասավ հարցուպատասխանի փուլը: Հանրապետականները պնդում են՝ նախագահի գործողությունները բխում էին թե պետական և թե անձնական շահերից: Դեմոկրատներն այս մոտեցումը որակում են վտանգավոր:

Հարցուպատասխանի փուլում կրկին արդիական էր նոր վկաների ներգրավումը: Հանրապետականները գտնում են, որ նոր վկաների կարիք չկա, և դա ընդամենը կերկարացնի գործընթացը: Դեմոկրատները նման բացատրությունը ներկայացնում են որպես պատճառաբանում: Ներկայացուցիչների պալատի խոսնակ Նենսի Փելոսին շեշտում է՝ առանց վկաների այս գործընթացը կդիտարկվի որպես ոչ լեգիտիմ: