Շուտով, հայտնի եւ սիրված դերասան Սոս Ջանիբեկյանին կարող ենք տեսնել ռուսական կինոարդյունաբերությունում՝ նոր, գլխավոր դերով: Դե իսկ թատերասեր հանդիսատեսն էլ, հնարավորություն կունենա դերասանի խաղը տեսնել թատրոնի բեմում: Forums.am-ն այս մասին տեղեկացավ հենց սիրված դերասանից՝ խոսելով նրա ներկա ու հետագա ծրագրերի ու նոր նախագծերի մասին, որի ընթացքում իհարկե մեզ հաջողվեց մի փոքր էլ թեմայից շեղվել, եւ զրուցել Սոս Ջանիբեկյանի անձնական կյանքի, նրա նախասիրությունների, եւ երջանկության բանաձեւի գաղտնիքների շուրջ:-Նախ, խոսենք նոր նախագծերի ու առաջիկա անելիքների մասին:
-Դե, հեռուստատեսության հետ կապված ծրագրեր առայժմ չունեմ: Ամբողջ ուժս ու եռանդս դրել եմ մի ներկայացման մեջ, որի պրեմիերան պետք է լինի նոյեմբերին: Դեռ պարզ չէ՝ սկզբում այստեղ կխաղանք, թե դրսում, հետո նոր այստեղ, բայց ընդհանուր առմամբ պետք է ասեմ, որ ներկայացումների հյուրախաղերից մեծ ակնկալիքներ ունենք: Տեղեկացնեմ, որ նկարահանվելու եմ Արշավիր Փանոսյանի ֆիլմում, որը ռուսական կինոարդյունաբերության մեջ, որպես այդպիսին իմ հինգերորդ ֆիլմն է լինելու, որտեղ ես նկարահանվում եմ: Այստեղ արդեն հանդես եմ գալու գլխավոր դերով, ինչի համար շնորհակալ եմ ֆիլմի ռեժիսորին, ու պրոդյուսեր Միշա Պողոսովին: Ի վերջո հայ դերասանին վստահել են գլխավոր դեր, եւ այդ վստահությունը հուսով եմ, որ կարդարացնեմ ու պատվով դուրս կգամ այդ ամենի միջից: Սրանք՝ սպասվող ծրագրերն են: Կուզենայի նշել նաեւ այն մասին, որ արդեն ավարտվել են Ջիվան Ավետիսյանի «Թևանիկ» Ղարաբաղի մասին ֆիլմի նկարահանումները, որը հավանաբար շուկա դուրս կգա եկող տարի՝ գարնանը:
-Իսկ ի՞նչ կերպարով, կամ դերով եք հանդես գալու այդ ֆիլմում:
Կերպարիս անունը՝ Ծուխը թակած Ավո է: Մյուս ֆիլմը՝ դեբյուտային, փոքրաբյուջետ «Կորսված ժառանգությունն» է, որտեղ մարմնավորել եմ Մանթաշովի որդու կերպարը: Ֆիլմը թվացյալ ու իրական, մարդկային արժեքների մասին է: Նկարահանվել եմ նաև «Շարմի» արտադրած «Ход конём» ֆիլմում, ուր հանդես եմ գալիս որպես բուքմեյքերային գրասենյակի աշխատող: Մի խոսքով տեսանելի ապագայում ռուսական ֆիլմն է, և ներկայացումն՝ իր հյուրախաղերով:
-Խոսեցինք եւ՛ կինոյի, եւ՛ թատրոնի մասին. տվյալ դեպքում Ձեզ կինո՞ն, թե՞ թատրոնն է հոգեհարազատ:
-Չեմ կարող դրանք իրարից տարանջատել, որովհետև ինձ հոգեհատազատ է իմ գործը, եւ ես երկու դեպքում էլ աշխատանքի մեջ եմ: Իհարկե դերասանի կայացման տեղը, դերասանի տունը՝ միանշանակ թատրոնն է, որով ես հիմա զբաղվում եմ ու ամբողջությամբ տրվել եմ թատրոնին: Բայց ինչ խոսք, կինոն, ես նույնպես շատ եմ սիրում: Երկուսն էլ շատ եմ սիրում, որովհետև սիրում եմ իմ գործն ու երկու տեղում էլ աշխատում եմ լիարժեք նվիրվածությամբ:
-Իսկ ըստ Ձեզ ի՞նչ է փնտրում հանդիսատեսը թատրոնի բեմում: Արդյո՞ք այսօրվա թատրոնի խաղացանկը բավարարում է հանդիսատեսի պահանջները:
-Ես, որպես թատրոնի դերասան, առանձնապես մեծ փորձ չունեմ. ես խաղացել եմ մի ուսանողական ներկայացման մեջ՝ ինստիտուտի տարիներին, երբ հաճախում էի դերասանական կուրսերի: Ակուտագավայի գործերից խաղացել եմ «Թավուտում» ներկայացման մեջ, սփյուռքում խաղացել եմ Սողոմոն Թեհլերյան, իսկ ընդհանուր առմամբ, կարող եմ ասել,որ թատրոնն այսօր շատ դժվար վիճակում է գտնվում: Պատճառը, ոչ թե այն է, որ ժողովուրդը չի գնում թատրոն, այլ այն, որ լավ ներկայացումներն են քիչ:
-Իսկ ի՞նչն է խանագարում թատրոնին՝ հանդիսատեսին առավել ընդգրկուն խաղացանկով ներկայանալու համար:
-Ես կասեմ հետեւյալը. հանդիսատեսը գնում է թատրոն՝ լավ բան տեսնելու: Եթե այդ լավը նա գտավ, ապա, միշտ կգնա դրա հետևից, իսկ եթե ոչ… Ժողովուրդը շատ լավ տարանջատում է լավը վատից: Եթե բոլորին թվում է, որ պահանջարկն է թելադրում առաջարկ, ես կարող եմ վստահորեն պնդել, որ առաջարկն էլ է թելադրում պահանջարկ:
-Եթե դեմ չեք, խոսենք նաեւ ձեր անձնական կյանքի, նախասիրությունների ու նրա մասին, թե ինչպիսին է Սոս Ջանիբեկյանը կադրից դուրս…
-Միանգամից պատասխանեմ, որ ազատ ժամանակ ֆիլմ եմ դիտում, ֆուտբոլ եմ նայում, սիրում եմ Հայաստանի հավաքականը, եւ «Napoli» ֆուտբոլային ակումբը:
-Իսկ վերջին անգամ, ի՞նչ գիրք եք կարդացել
-Ասեմ Ձեզ, որ ես համատեղ մի քանի գիրք եմ կարդում: Հիմա մեծ դադար է՝ զբաղվածությանս պատճառով: Պարզապես չեմ հասցնում կարդալ: Վերջին կարդացած գիրքս՝ Կառլոս Կաստանեդայի գրքերից է:
Կանայք, որոնց սիրահարվել եմ, իրարից շատ տարբեր են եղել
-Ո՞րն է Ձեզ համար երջանկության բանաձևը:
-Երջանկությունն իմ համար առողջություն է` և ֆիզիկապես, և հոգեպես և գաղափարապես: Սիրած մասնագիտությամբ գումար վաստակելը, որը քեզ համար ապահովում է քո ուզած կյանքը և… սերը: Սա է իմ երջանկության բանաձևը: Իսկ սրանից բացի, ամենակարեւորը նա է, որ մարդ կարողան կյանքում իրեն ճիշտ դրսեւորել:
-Սիրո մասին շատ հակիճ խոսեցիք: Կասե՞ք ընկերուհի ունեք, թե ոչ:
-Չունեմ:
-Ժամանակն ու զբաղվածությու՞նը թույլ չեն տալիս:
-Գուցե: Կարծում եմ հնարավոր է ինչ-որ բանում ժամանակը դեր խաղա, նպաստի, որ չկարողանամ շատ ժամանակ հատկացնել շփումներին ու սիրավեպերին, որովհետև մշտական աշխատանքի մեջ եմ: Բայց եթե դա իրոք սեր է՝ գալիս է ճիշտ այն ժամանակ, երբ որ պետք է գա:
-Իսկ Ձեր պատկերացումներով ինպիսին պետք է լինի Ձեր ապագա կինը:
-Չեմ էլ կարող պատկերացնել, թե ինչպիսին պետք է լինի նա: Որովհետև կինը, ոչ մեքենա է, ոչ էլ հագուստ, որ ես ասեմ ինչպիսին պետք է լինի: Որովհետև կանայք, որոնց համակրել, սիրահարվել, ու հրապուրվել եմ իրարից շատ տարբեր են եղել, ու երբեք մտքովս չէր անցնի, որ այն կնոջից հետո կարող էի մի ուրիշով գայթակղվել: Ես չունեմ այն կարծրատիպերը, որոնցով կարող եմ դասակարգել իմ սիրած կնոջ տեսակը:
«Ով է իրական ընդդիմադիրը»
NewsMedia.am-ը սկսում է նոր շարք...
Մեգերյանների ընտանիքը զբաղվել է հին գորգերի վերականգնումով և նոր գորգերի արտադրությանբ ավելի քան չորս սերունդ
Եւ այսօր իրապես մեծ է փաստաբան Լեւոն Բաղդասարյանի նման հանուն իրավունքի եւ արդարության շահը ճանաչող ու ամեն ինչից վեր...
Լրտեսության մեջ մեղադրվողի կալանքը երկարացրել են
Նախարարը չի ուզում ԲԿ-ի նկատմամբ վերահսկողությունը կորցնել. «Հրապարակ»
Գյումրիում ՔՊ-ն համայնքի ղեկավարի ընտրության օրակարգով արտահերթ նիստ է հրավիրել
Փողի «բազառ»՝ քաղաքապետի և նախարարի միջև
Տեղեկություններ ունենք՝ ՔՊ-ն դեմ է քվեարկելու Անկախության հռչակագրի անժամանցելիության մասին նախագծին...
