Մովսես Երեմյան. Ես չեմ փոշմանում իմ արած ոչ մի բանի համար

Վերջերս, պարող-մոդել-դերասան`Մովսես Երեմյանը, հասարակության  կողմից  թեժ քննարկումների կիզակետում էր գտնվում: Մասնավորապես բուռն քննարկումներ էին ընթանում  Մովսեսի անձնական կյանքի դրավագների հետ կապված, ինչն էլ նորանոր կրքեր էր բորբոքում: Այդտեսակ քննարկումներից հետո, Մովսեսը, երկար  ժամանակ պարզապես հրաժարվել էր անձնականի շուրջ որեւէ հարցի պատասխանելուց, թեեւ նրա համակիրները անհամաբերությամբ սպասում էին Մովսեսի պատասխաններին:    Ինչեւէ, այս  անգամ Մովսես Երեմյանի  հետ Forums.am-ը զրուցեց  ոչ թե նրա աձնական կյանքի, այլ նրա իրական, մարդկային  կերպարի շուրջ,  ինչն էլ կարծում եմ  կհետաքրքրի  մեր ընթերցողներին:     

-Մովսես, ասում են` կյանքում ամենալավ իրադարձությունները լինում են պատահական, արդյո՞ ք  այդպես է: -Այո, ինձ մոտ ամենալավ իրադարձությունները եղել են շատ պատահական, և իրոք հաճախ, երբ որ  հետ եմ նայում,  մտածում եմ, որ ոչինչ այս կյանքում հենց այնպես չի լինում: -Դուք արդեն որաշակի  հաջողությունների եք հասել, ո՞րն է Ձեր հաջողության գաղտնիքը: -Անկեղծ ասած չեմ կարծում, որ ինչ-որ մեծ հաջողությունների եմ հասել, ու չեմ էլ մտածել հաջողությանս գաղտնիքների մասին, բայց  կարող եմ ասել, որ շատ դեպքերում լավատեսությունն  ինձ օգնել է: -Ո՞րն է  Ձեր ստացած ամենահումորային, տպավորված կոմպլիմենտը: -Երկու օր առաջ մի մարդ մոտեցավ  ինձ  փողոցում եւ ասաց. «Ապեր ինչքան ժամանակ է քեզ էի ման գալիս. «Գեներալի աղջիկ»-ը  ֆիլմում, որ նկարահանվում էիր,  քո հեռախոսի զանգը ի̉նչ երաժշտություն էր, շատ լավն էր»: -Ինչպե՞ս եք վերաբերվում ստին: -Բնականաբար, չկա  աշխարհում  մի մարդ, որ գոնե մեկ անգամ խաբված չլինի ու նաև չկա աշխարհում մի մարդ, ով կհանդուրժի  խաբված լինելը: -Ի՞նչ է ընկերությունը Ձեզ համար: -Ընկերները ինձ համար այն մարդիկ են, որ առանց  իրենց անիմաստ կլիներ ապրել, իհարկե, գոյություն ունեն իսկական ընկերներ, չկա լավ ընկեր, կամ վատ ընկեր, կամ, ամենալավ ընկեր: -Արդյո՞ք  պատկերացնում եք  Ձեզ քսան տարի հետո: -Այո, լրիվ նույն կերպ, ուղղակի արդեն քառասունմեկ տարեկան ու մի քիչ սպիտակ մազերով: -Ո՞րն է Ձեզ համար ավելի կարևոր. անձնական կյանքը , թե՞  աշխատանքը: -Բնականաբար անձնական կյանքն ավելի կարևոր է, չնայած աշխատանքն էլ շատ մեծ դեր ունի այս կյանքում, չեմ կարծում, որ կգա մի օր, որ ընտրության առաջ  կկանգնեմ: -Հավատում ե՞ք թալիսմաններին: -Չեմ հավատում նմանատիպ բաների, երբեք չեմ ունեցել ու չեմ կարծում, որ կունենամ: -Արդյո՞ք կներեք դավաճանությունը: -Ոչ:

-Ո՞վ է Ձեզ համար հեղինակություն  ընտանիքում:   -Հայրս, նա իմ ընկերն է, մեր տարիքային տարբերությունը ընդհամենը տասնինը տարի է, ու ընդհանրապես կարծում եմ, որ յուրաքանչյուր ընտանիքում տան հեղիանակությունը  պետք է հայրը լինի: -Ո՞ր արժեքներն եք  կարեւորում ու գնահատում  կնոջ էության  մեջ: -Խելացի լինելը, հումորի զգացումը, գեղեցկությունը և կանացիությունը: -Ո՞ր թերությունդ կցանկանայիր փոխել: - Շուտ ներվայնանալս, ու մեկ- մեկ էլ ուշանալս: -Մովսես, եթե Դուք ունենաք ժամանակի մեքենա և կարողանաք հետ գնալ, ի՞նչ կփոխեք: -Ոչ մի բան չեմ փոխի, ես չեմ փոշմանում իմ արած ոչ մի բանի համար, ավելի շատ փոշմանում եմ չարածներիս համար: -Արդյո՞ք  հայ երիտասարդ դերասանը  Հայաստանում ապագա ունի: - Ես կարծում եմ, որ կապ չունի ոչ ազգությունը, ոչ էլ բնակվելու վայրը,եթե մարդ իրոք ուզում է ինչ-որ բանի հասնել, ապա միանշանակ հասնում է, անգամ եթե հանգամանքները ծայրաստիճան վատն են: -Ի՞նչ առաջիկա ծրագրեր ունեք: -Անկեղծ ասած նպատակներ շատ կան, ուղղակի հնարավոր է այս տարի, ձմռանը գնամ Հայաստանից:   Հստակ, դեռ  ոչ մի բան չեմ որոշել, բայց շուտով ամեն բան պարզ կլինի: Այո, ամեն լավ իրադարձություն կյանքում պատահական է լինում, ինչպես Մովսես Երեմյանի, այնպես էլ բոլոր բոլորի հետ, և իսկապես, պետք է այնպես ապրել , որ անգամ ժամանակի մեքենա ունենալիս, չցանկանալ փոխել կյանքի որևէ դրվագ:

Forums.am-ը հաջողություն է մաղթում Մովսեսին իր առաջիկա ծրագրերում:

Զրույցը՝ Դիանա  Կարապետյանի