Մեղմ հնչող սրինգից մինչև հաղթական շեփոր՝ ահա Սիամանթոյի ստեղծագործական ընթացքը.(video)

Այսօր Հովհաննես Թումանյանի տուն  թանգարանում տեղի ունեցավ արևմտահայ բանաստեղծ Սիամանթոյի (Ատոմ Յարճանյան) խոսքերի հիման վրա գրված Դանիել Երաժշտի ստեղծագործության պրիեմերան: Դանիել Երաժիշտը քաղելով Սիամանթոյի երկու բանաստեղծություններից հատվածները, դրանք  միացրել է իրար և ստեղծել «Սիամանթոյի թախծոտ սրինգը և հաղթանակի շեփորը» երգը: Fnews.am-ի հետ զրույցում Դանիել Երաժիշտը նշեց. «Սիամանթոյի բանաստեղծությունները լայնաշունչ են և երգը ստեղծելիս դժվարություններ են լինում. և դա է պատճառը, որ նրա բանաստեղծությունների հիման վրա գրված երգերը ընդամենը երկուսն են: Մեղմ հնչող սրինգից մինչև հաղթական շեփոր՝ ահա Սիամանթոյի ստեղծագործական ընթացքը»: Ներկանաերը հնարավորություն ստացան երգի կատարումը լսել կենդանի հնչողությամբ` շարական անսաբլի մեներգիչ Գևորգ Հաճյանի կատարմամբ, ում վստահվել էր երգի առաջին մատուցումը: Պարոն Հաճյանը մեզ հետ զրույցում նշեց, որ ինքը երգը կատարում է և մեծ պատասխանատվությամբ, և մեծ հաճույքով.«Այսօր, օրը կարելի է  պատմական համարել: Գիտեք, որ արդեն 100 տարի կլինի, ինչ մենք մեր հայ մտավորականության ընտրանին ու մի ողջ ազգի  կորցրինք: Այդ մեծ մտավորականներից մեկն էլ՝ Սիամանթոն էր, ում պետք է  հիշել է անընդհատ: Չնայած նրան,որ  այս մեծ բանաստեղծի բառերով շատ քիչ երգեր կան, ընդամենը երկու երգ: Եվ ահա,  Դանիել Երաժիշտն այսօր ստեղծել է ևս մեկը: Ես մեծ պատասխանատվությամբ եմ մոտենում այսօրվա այս խորհրդին, որովհետև կոչված եմ, որ կատարեմ այդ երգը առաջին անգամ»:

Երգի կատարումը՝ տեսանյութում: