Լավագույնը,ինչ դուք կարող եք անել կյանքում,դա անտարբեր չլինելն է.ՕԴՐԻ ՀԵՓԲԵՐՆ

Իսկական լեդիի կերպարի ամենավառ ու իրական օրինակ համարվող Օդրի Հեփբերնը բարության ու նրբաճաշակության  խորհրդանիշ է համարվում մինչ օրս: Նրա անիրական գեղեցկության մասին խոսում են,ինքնատիպ ոճը փորձում են կրկնօրինակել,իսկ անհավանական բարության ու անմեղության համար պարզապես պաշտում են: Ըստ ամերիկյան կինոակադեմիայի,Օդրին  երրորդն է ամերիկյան լավագույն դերասանուհիների շարքում: Իսկ թե ինչպիսին են Օդրիի  կանացիության գաղտնիքներն  ու խորհուրդները,կպարզենք նրա՝կյանքի օրոք ասված խոսքերից

«Կնոջ գեղեկությունը պետք է արտացոլվի նրա աչքերում.աչքերը դեպի սիրտը տանող դռներն են՝այն վայրը,որտեղ ապրում է սերը»: « Ինձ պետք չէ անկողին իմ կանացիությունն ապացուցելու համար.ես կարող եմ լինել ցանկալի ծառից խնձոր քաղելիս,կամ անձրևի տակ թրջվելիս»: «Որպեսզի ինքնավստահ լինես,քայլիր այնպես,կարծես թե միայնակ չես»: «Պաշտում եմ այն մարդկանց,ովքեր ստիպում են ինձ ծիծաղել:Ես իսկապես կարծում եմ,որ ծիծաղելն այն է,ինչ ես սիրում եմ ամենից շատ:Այն բուժում է բազում հիվանդություններից:Հնարավոր է,այն ամենա կարևորն է մարդու մեջ»:

 «Իմ ամբողջ կյանքում մայրս սովորեցրել է ինձ,որ մարդ պետք է օգտակար լինի:Նա համոզված էր,որ սեր տալն ավելի կարևոր է,քան ստանալը»:

 «Իմ ամանորյա միակ երազանքը,դա խաղաղությունն է աշխարհի բոլոր երեխաների համար»: «Մարդիկ,իրերից ավելի շատ կարիք ունեն,որ իրենց գտնեն,վերականգնեն,չջարդեն ու ներեն.երբեք ոչ մեկին«դեն»մի՜ նետեք»: «Եթե քեզ օգնության ձեռք պետք լինի,հիշիր,որ դու ունես այն,դա քո սեփական ձեռքն է:Երբ մեծանաս,դու կհասկանաս,երկու ձեռք ունես,որպեսզի մեկով քեզ օգնես,մյուսով՝ուրիշներին»: «Որպեսզի շրթունքներդ գրավիչ լինենմհաճախ ասա բարի խոսքեր: Որպեսզի աչքերդ գեղեցիկ լինեն,ճառագիր բարին: Որպեսզի կազմվածքդ բարեկազմ լինի,կիսիր ուտելիքդ քաղցածների հետ: Որպեսզի մազերդ մետաքսի պես փափուկ լինեն,թույլ տուր երեխային իր մատիկներով շոյի դրանք»:

«Արցունքները կարող են ավելի մեծ նշանակություն ունենալ,քան ժպիտը,ժպտում ենք մենք գրեթե բոլորին,իսկ լալիս ենք միայն նրանց համար,ում սիրում ենք»:

 «Իմ կյանքը նման է հեքիաթի:Ես ունեցել եմ բազում դժվար պահեր,բայց միշտ հավատացել եմ,որ թունելի վերջում լույս է վառվում»: «Ծերությունը ինձ ոչ մի կերպ չի վախեցնում,ես վախենում եմ մենությունից»: «Ինձ միշտ սովորեցրել են,որ ես ապրում եմ մարդկանց օգնելու,ինչ-որ բանով այս աշխարհը դեպի լավը տանելու համար:Ես երբեք այնքան երջանիկ չեմ եղել,որքան հիմա»,- իր կյանքիվերջին հարցազրույցներից մեկում նշել է Օդրի Հեփբերնը:

Պատրաստեց՝Կարինա  Սահակյանը