Հովհաննես Ազոյան. Էմոցիաներն իմ երջանկության մոլեկուլներ են

Նոր նախագիծ  Հովոյի,  Մկոյի   եւ  շատ  ուրիշների մասնակցությամբ 

Մենք փնտրում ենք երջանկությունը ամենուր, սակայն այն միշտ մեր կողքին է: Կարող եք հարցնել յուրաքանչյուր մարդու, թե ինչ է նա ցանկանում ամենինց շատ կյանքից և դուք կլսեք, որ նա ցանկանում է ընդամենը լինել երջանիկ:

Երջանկության գաղտնինքների, իր կյանքի հետաքրքիր պատմությունների ու դիպվածների մասին  Forums.am- ը զրուցեց նաեւ  սիրված դերասան  Հովհաննես Ազոյանի հետ, ով իրեն ավելի շատ երջանիկ, քան դժբախտ մարդ է համարում.

-Ինձ համար երջանկությունն ասոցացվում է հաճելի էմոցիաներով, եթե օրվա մեջ երջանկացնող էմոցիաները շատ են,  հետևաբար կարելի է համարել, որ օրդ երջանիկ անցավ: Մարդը պետք է  այնքան ուժեղ լինի, որ կարողանա իր էմոցիաները ճիշտ դասակարգի: Էմոցիաները՝ իմ երջանկության մոլեկուլներն են:

-Նկարահանումների  ընթացքում դուք միշտ երջանիկ եք և փորձում եք դրական տրամադրությամբ  աշխատել, սակայն  այդ  հոգեվիճակը արդյո?ք  պահպանվում է  նաեւ նկարահանումներից հետո:

- Գիտեք այնպես չէ, որ նկարահանման ընթացքում ես ուրախ եմ ու հանկարծ նկարահանումից հետո տխրում եմ : Ես աշխատանքի ընթացքում և հետո  էլ նույն մարդն եմ , պարզապես հաճախ կախված օրից, եղանակից, կարող եմ տխրել…Բայց  այդ պահին ես փորձում եմ  ինձ երջանկացնող հույզերը  գտնել :

-Ո՞ր պահն է աշխատանքի ընթացքում ձեզ երջանկացնում:

- Ինձ համար ամեն  երջանիկ պահ մի գիրք է, և դրանք շատ են , սակայն ,երբ ես աշխատում և տեսնում եմ իմ աշխատանքի արդյունքը  և գնահատականը , ես ինձ երջանիկ եմ զգում: Բայց եւ  լինում են պահեր, երբ ես ինքս ինձնից գոհ չեմ մնում, որի արդյունքում իջնում է ինքնագնահատականս,սակայն չեմ  կորցնում ինձ և  ամեն  բան  սկսում եմ զրոյից:

Ո՞ր պահն է ձեզ երջանկացնում ընտանիքում և ընկերական  միջավայրում:

- Ընտանիքում ինձ երջանկացնում է խաղաղությունը, ներդաշնակությունը, փոխըմբռնումը, այն պահը, երբ դու հաղթահարում ես բոլոր տեսակի դժվարությունները և հասկանում ես ,որ  դրանք  չեն կարող ազդել քո երջանկության վրա:  Բազմաթիվ ընկերներ ունեմ և վստահ կարող եմ ասել, որ նրանք իմ հարստությունն են, ովքեր ինձ  բազմաթիվ երջանիկ  պահեր են պարգեւում:

-Կհիշե՞ք  անսովոր ու հետաքրքիր մի դրվագ…

- Գիտեք, վերջերս  մենակ եմ սիրում լինել,  ու հաճախ, երբ տագնապ եմ ապրում, սիրում եմ գնալ դեպի  բնություն ու լռել… Եվ ահա,  մի անսովոր   ու երջանիկ պահ իմ կյանքից.  Վերջերս, երբ բնության գրկում էի գտնվում,  ականջս մոտեցրեցի մի ծառի, եւ լսեցի եւ  զգացի,թե ինչպես է նա ջուր կուտակում ու բաժանում տերևներին, իսկ, երբ քամի է բարձրանում, նա դադարում է ջուր կուտակել և սկսում է պայքարել քամու դեմ, որպեսզի պաշտպանի տերևներին:

-Հովհաննես, եթե դեմ չեք խոսենք  նաեւ ձեր առաջիկա պլանների   ու նոր մտահղացումների մասին:  Հանդիսատեսը կարող է? նոր անակնկալների սպասել:

-Հոկտեմբեր ամսին  կլինի «Քայլ ձիով» նոր ֆիլմի շնորհանդեսը, որի ռեժիսորն է Գոռ Կիրակոսյանը:  Դերասանական կազմում Ղազախստանից ընդգրկված են այնպիսին դերասաններ, ինչպիսիք են` Ասել Սագատովան, Սանժար Մադիևը, Բախիտժան Ալպեիսովը,  ինչպես նաեւ մեր սիրված դերասան Մկրտիչ Արզումանյանը: Ասեմ նաև, որ երկու տարի առաջ ես խոստացել եմ  ինձ և հեռուստադիտողին, որ անորակաություններ չեմ անելու հանուն փողի և  այդ ուղղությամբ ես աշխատում եմ:  Շուտով նաև կյանքի է կոչվելու նոր հումորային նախագիծ ` «Տնփեսա»-ն,  Մկրտիչ Արզումանյանի մասնակցությամբ:

Հարցազրույցի ավարտին Հովհաննեսը նշեց նաև այն հանգամանքի մասին, որ ամեն անգամ խնդիրներով կամ մտքերով  ծանրաբեռնված լինելուն պես, նա մի պահ կանգ է առնում և հասկանում, որ ամեն խնդիր ունի ավարտ , և կոչ է անում մարդկանց, որպեսզի չկառչեն և չպարփակվեն դժվարություններով,քանզի և դժվարությունները ,և հաջողություններն ունեն և սկիզբ և ավարտ:

Զրույցը՝Դիանա  ԿԱՐԱՊԵՏՅԱՆԻ