«Ես ՀՀԿ-ից ոչ մի անգամ չեմ նեղացել, ու նեղանալը իմ համար չի».VIDEO

Fnews.am-ի հետ զրույցում ՀՀԿ-ական նախկին պատգամավոր, «Գրեյթ Վելլի Քամփընի» ընկերության սեփականատեր Տիգրան Արզաքանցյանը իր տեսակետն է հնչեցրել է ՀՀԿ ռեյտինգային ցուցակով իր առաջադրման, ՀՀԿ-ի հետ ունեցած հարաբերությունների, իր անձի ու իր գործունեության շուրջ պտտվող տարատեսակ խոսակցությունների մասին:

Հարցին, թե ինչո՞ւ նորից նախկին պատգամավորը որոշեց ակտիվ քաղաքական կյանք վերադառնալու հայտ ներկայացնել, եւ թե արդյո՞ք հարթվել են իր հարաբերությունները ՀՀԿ-ի հետ, քանի որ շատ էր խոսվում այն մասին, որ Արզաքանցյանի ու հարազատ կուսակցության միջեւ  սեւ կատու է անցել, վերջինս նշեց, որ իր եւ ՀՀԿ-ի հարաբերությունները միշտ շատ նորմալ եւ ջերմ են եղել, եւ որ երբեւէ նա խնդիրներ չի ունեցել հարազատ կուսակցության ներսում: «Այն ինչ գրում է մամուլը, դրանք ուղղակի բամբասանքներ են»-, վստահեցնում է պատգամավորը:

Ինչ վերաբերում է պատգամավորի բիզնես գոևրծունեությանը վերաբերող խոսակցություններին, որոնց համատեքստում անընդհատ խոսվում է որ Տիգրան Արզաքանցյանը որպես գործարար սնանկ է ճանաչվել , եւ որ նրա գործերը գլխիվայր շուռ են եկել, ապա այս դեպքում էլ Արզաքանցյանը դարձյալ հղում է անում լրատվականներին՝ ասելով, որ հիմնականում իր մասին ճշմարտությունը չեն գրում: Պատգամավորը իր խոսքում շւ նշում նաեւ  հետեւյալի մասին.

-Աշխարհի տարբեր երկրներում կարող եմ ունենալ բիզնես, էդ իմ Հայաստան գնալ-գալու, մնալու հետ ի՞նչ կապ ունի: Ես միշտ իմ հայրենիքում եմ, գալիս-գնում եմ, տեղում ես ոչ մի անգամ չեմ մնացել, եթե մարդ ուզում ա աշխարհի հետ շփվի, տեղից նստած չի կարա։ Իսկ իմ հարազատ կուսակցության՝ ՀՀԿ-ի հետ ես ոչ մի խնդիր չունեմ, չեմ ունեցել, մենք համագործակցում ենք իրար հետ հետ։ Մեր կուսակցությունն է հարմար էլ գտել՝ որ ես նորից գամ խորհրդարան։ Իրանք իրենց ընտրությունը կատարել են, ես էլ իմ համաձայնությունը տվել եմ։
Ես գտնում եմ, որ իսկապես շատ գործեր կան անելու՝ հենց օրենսդիր դաշտում: Գործարարն էլ պետք ա իր մասմացկությունը ունենա օրենքների մշակման գորոծւմ ու նաեւ իր լուման ունենա տնտեսության զարգացման մեջ: Ճիշտ ա այսօր մեր տնտեսության վիճակը այնքան էլ լավ չի, բայց դա միայն մեզանով չի պայմանավորված, մենք չպետք քա մոռանանք համաշխարհային տնտեսական ճգնաժամի մեջ գտնվելու փաստի մասին:

Այդուհանդերձ,  թե ինչ թիմով է Արզաքանցյանը գնում  ընտրությունների, եւ թե իրականում որն է լինելու գլխավոր խաղաքարտը այս ընտրատարածքում, եւ թե որպես գործարար որքանով է լավատես՝ տնտեսության առողջացման ուղղությամբ տարվող քաղաքականության շուրջ, այս եւ հարցերի պատասխանները առաջարկվող տեսանյութում: