DJ Սերժո. «Թող ամեն մարդ զբաղվի իր գործով»

Մեր օրերում դիջեյները համարվում են միջոցառումերի բոցմանները, քանզի առանց նրանց երաժշտության, հնարավոր չէ պատկերացնել որևէ բարձրակարգ միջոցառում: Հայաստանյան իրականության մեջ ամենաքննարկվող և ամենաճանաչված դիջեյներից է Սերժոն, ով   մեծ նվիրումով է փորձում  մատուցել որակյալ երաժշտություն: Այս անգամ Forums.am-ը զրուցեց  Սերժոյի հետ, ինչպես իր արհեստավարժ   աշխատանքի, իր  մասնագիտականի  հետ կապված երեւացող ու չերեւացող կողմերի, այնպես էլ  իր  մարդկային հետարքիր որակների շուրջ:

Ասում են` դիջեյի կյանքը այլ եզերքներում է, համաձայնե՞ք: - Կարծում եմ ապրելակերպի մասին է խոսքը, դիջեյները մեծամասամբ գիշերային տեսակ են, ամբողջովին երաժշտության, դինամիկայի  մեջ` զանազան անսպասելի շփումներով լի: -Դուք  Ձեզ համարու̉մ եք միայնակ, չէ որ հայտնի է` դիջեյին բնորոշ է մենությունը: -Կյանքում ինձ մենակ չեմ համարում, ունեմ ընտանիք, ընկերներ, շրջապատ, բայց սիրում եմ մենակություն, սիրում եմ ինքս ինձ հետ մենակ մնալ, մտածել տարբեր հարցերի շուրջ, ու ժամանակ առ ժամանակ ուղղակի հոգեպես զգում եմ դրա կարիքը: -Ինչը կարող է Ձեզ «կոտրել» ընդհանրապես… - Առաջ հասարակ բաներից մտահոգվում էի, բայց վերջին  մի քանի տարիների ընթացքում   համուզվել եմ, որ մարդ պետք է իրատես լինի իր սպասելիքներում, որպեսզի անտեղի տեղը  չհիասթափվի:  Առհասարակ, ես իրատես եմ: Կցանկանայի, որ իմ բոլոր հարազատ մարդիկ եւս  լինեն իմ կողքին, և ինձ կյանքում ոչինչ չի «կոտրի», վստահ եղեք: -Ո՞ր արժեքներն եք առավել գնահատում մարդկանց մեջ: -Ամենից առաջ անկեղծությունն եմ գնահատում, նվիրվածությունը, չեմ սիրում մարդկանց, ովքեր չարաշահում են քո մարդկային տեսակը: Առհասարակ ինձ համար կարևոր են առողջ, փոխադարձ հարգանքի վրա կառուցված մարդկային հարաբերությունները:

Սերժոն վախենում է  հարազատ մարդկանց կորցնելուց եւ ծերանալուց

-Ինչի՞ց  եք վախենում ամենից շատ: -Հարազատ մարդկանց կորցնելուց և ծերանալուց: -Ու̉մ եք համարում Ձեզ թշնամի: -Իմ դեպքում կարելի է ասել ոչ թե թշնամի, այլ «չուզող», ով բնականաբար կեղծավոր է ու քո  վատն է կամենում: -Ինչպե՞ս եք վերաբերում  Ձեզ  քննադատողներին: -Առողջ քննադատողը ինձ համար նորմալ է, տրամաբանության  մեջ է, բայց հարց է. ես տվյալ քննադատության հետ համաձայն եմ, թե ոչ: Իհարկե,  եթե քննադատությունը բխում է ինչ-որ մեկի  պատվամոլությումից, այն, ինքստինքյան, ծիծաղելի է: - Ձեզ խանգարող  թերությունը: -Անհանգստությունը: -Ի՞նչ նպատակներ ունեք: -Իմ գործում հասնել  մեծ արդյունքների, ներկայացնել հայկական ակումբային երաժշտությունը արտերկրում և ներկայացնել բարձր մակարդակով: -Ինչպե՞ս հիմարին կապացուցեք,որ նա հիմար է: -Հիմարին  ինչ-որ բան ապացուցելը  արդեն հիմարություն է: -Ո՞րն է Ձեզ համար իդեալական ընտանիքը: -Սիրո հիման վրա կառուցված ընտանիքը, և  ոչ թե այն ընտանիքը, ուր առաջնային է նյութականը և որը կազմում են ինչ-որ պարտադրանքով: Ամեն ինչ բնականաբար կարևոր է, բայց եթե հիմքում կա սեր, առողջ փոխհարաբերություններ, հարգանք,  բնականաբար մնացածը լուծվող հարցեր են: -Ի՞նչը կարող է Ձեզ հունից հանել: -Երբ դիմացինս լսելու ունակություն չունի, նաև այն դեպքում, երբ անտեղյակությամբ սխալ եզրակացությունների են հանգնում: -Սերժ, արդյո՞ք հայ դիջեյները ապագա ունեն Հայսատանում: -Կարծում եմ ունեն, որովհետև այսօր մենք ունենք որակյալ հայ դիջեյներ, ովքեր արտերկրում ներկայացրել են Հայաստանը, ու արտերկրի լսարանի արձագանքից պարզ է դարձել`մեզ ընդունեցին և գնահատեցին: Սակայն դիջեյությունը Հայաստանում դեռևս ունի բազում  թերի կողմեր` ակումբային կուլտուրայի ոչ լիովին զարգացած լինելու պատճառով: Այնուամենայնիվ այն զարգանում է հենց հայ դիջեյների նվիրյալ գործունեության շնորհիվ: Հարցազրույցի ավարտին Սերժոն ավելացրեց. «Թող ամեն մարդ զբաղվի իր գործով`թե ուղիղ, թե փոխաբերական իմաստով»: Եվ իրոք, եթե բոլորը զբաղվեն իրենց գործով և զբաղվեն հոգով ու սրտով, ապա շատ ավելի քիչ կլինեն տարաձայնությունները, ապատեղեկատվությունը զանազան հարցերի շուրջ: Forums.am-ը մաղթում է Սերժոյին նորանոր հաջողություններ:

Հանդիպումը՝ Դիանա   ԿԱՐԱՊԵՏՅԱՆԻ