Դա ուղղակի խայծ էր, այն էլ մանկամիտ

Դավութօղլույի այցը իրենց կողմից նախապատասրտված շոու էր: Այս մասին Ֆորում մամուլի ակումբում հրավիրված ասուլիսի շրջանակներում ասաց ԱԺ հանրապետական պատգամավոր Մկրտիչ Մինասյանը:Նրա խոսքով.«Դավութօղլուն ցանկանում էր ներկայացնել, թե ցանկանում է հավասարություն դնել երկու ազգերի վերաբերմունքի մեջ:Դա ուղղակի խայծ էր, այն էլ մանկամիտ: Անգամ եփած հավի ծիծաղը կգար նրա այն արտահայտությունից, որ հայերի դավաճանությանը  իրենք պատասխանել են դեպորտացիայով: Կարծում եմ՝ քաղաքակիրթ մարդկությունը  ռեալ գիտի, թե ինչ է տեղի ունցել: Պատմությունը խեղաթյուրել  այդ աստիճան, ուղղակի անհնար է:

Թուրքիայի իշխանությունները  մեկընդմիշտ խնդիր ունեն հասկանալու՝ իրենք իրենց մեջ ուժ կարող են գտնել առանց շոուներ եւ տրյուկներ օգտագործելով ընդունել պատմական ճշմարտությունը:Եթե Թուրքիան ցանկանում է իսկապես քաղաքակիրթ երկիր դառնալ, պետք է ճշմարտությանը նայի առանց կեղծ եւ շեղող ակնոցների»,- նշեց Մկրտիչ Մինասյանը:

Ասուլիսի մյուս բանախոս, ԲՀԿ-ական պատգամավոր Արագած Ախոյանն իր հերթին  նկատեց, որ. «Թուրքիան իր ներկա վարքագծով չի կարող պատմություն սրբագրել: Նա իրեն միջազգային հանրության աչքին փորձում է ներկայացնել որպես դեմոկրատ: Իսկ Ցեղասպանության փաստը հերքելու համար թուրքերը շատ լավ տերմին են ընտրել՝ «տեղահանություն. կարծես մարդկանց ճանապարհել են գնացքներով, շքեղ   կառքերով կամ մեքենաներով: Հետեւապես, մենք այսօր մեր  ուժերը  պետք է ներդնենք  ոչ այնքան Ցեղասպանության միջազգային ճանաչման գործի, այլ որքան պահանջատիրության հարցում հաջողության հասնելու համար: Երկու հազար տասնհինգն էլ կգա, Ցեղասպանության հարյուրամյա տարելիցն էլ կանցնի, բայց եթե ձեռքներս ծալած նստենք, ոչ մի բանի էլ չենք հասնի:Այնպես, որ պետք է խելացիորեն գործենք: