Աղվան Վարդանյանի հայտարարությունն անակնկալ էր մեզ համար. ՀՅԴ-ի որոշումը չի փոխվել. Արմեն Ռուստամյան

ԴՅ խմբակցության քարտուղար Աղվան Վարդանյանի հայտարարությունը, թե չի կարող կողմ քվեարկել Նիկոլ Փաշինյանին, ՀՅԴ խմբակցության համար անակնկալ էր:

«Մենք հարգում ենք պատգամավորի սահմանադրական իրավունքը, բայց սա Դաշնակցությունն է, որն ունի ավանդույթներ, նրա կատարած քայլն այդ ավանդույթներին դեմ էր եւ մենք նրա պահվածքին անպայման համապատասխան գնահատական կտանք»,-ԱԺ-ում իր ելույթում հայտարարեց ՀՅԴ խմբակցության ղեկավար Արմեն Ռուստամյանը:

Նրա խոսքով, ՀՅԴ-ի որոշումն անփոփոխ է եւ իրենք քվեարկելու ենք հօգուտ Նիկոլ Փաշինյանի թեկնածության. «Մեր նպատակը մեկն է՝ հասնել այնպիսի հանգուցալուծման, որից կշահի Հայաստանը, Արցախն ու սփյուռքը: Մեր ժողովրդի եւ քաղաքական ուժերի հասունության եւ իմաստնության փորձության քննություն է սա: Դեռեւս Սերժ Սարգսյանի ընտրության ժամանակ ասել էինք, որ պարտավոր ենք ապացուցել՝ այս նոր կառավարման համակարգով երկրում բան է փոխվելու, որ արատավոր բարքերը փոխելու համար նախ եւ առաջ պետք է փոխել կարգերն ու նոր կարգեր հաստատել:

Այժմ ունենք նոր ֆորսմաժորային իրավիճակ, որ անհապաղ լուծումներ է պահանջում: Սերժ Սարգսյանն իր հրաժարականով դրա համար դուռ բացեց եւ ապխացուցեց, որ վարչապետի պաշտոնի ստանձնումը նեղ հատվածական շահ չէր հետապնդում: Հիմա ՀՀԿ-ն պետք է ապացուցի, որ նեղ կուսակցվական շահ չի հետապնդում եւ պատրաստ է գնալ խաղաղ հանգուցալուծման ճանապարհով: Հիմա սկսել է արարման փուլը, այդ մեչժման հիմքում ընկած պատճառների վերացման փուլը, պարտավոր ենք թույլ չտալ, որ համազգային զարթոնքի ներուժը մսխվի, ժողովուրդը հիասթափվի:

Ընտրական համակարգի բարեփոխում է անհրաժեշտ ռեյտինգային համակարգի վերացմամբ, ԵՄ-ի, ԵՏՄ-ի եւ ՀԱՊԿ-ի շրջանակներում գործընկերային հարաբերությունների շարունակում»,-հայտարարեց Ռուստամյանը:

news.am