Անընդունելի եմ համարում. լրատվամիջոցի ղեկավարի նկատմամբ՝ նման վերաբերմունքը

ԼՂՀ մշտական ներկայացուցչության խորհրդական-խորհրդատու, «Ազգային անվտանգություն» կուսակցության ղեկավար Գառնիկ Իսագուլյանը, թեեւ լրագրող Գայանե Զարգարյանի  հետ տեղի ունեցած միջադեպի մանրամասներին ծանոթ չէ, բայց անընդունելի է  համարում լրատվամիջոցի ղեկավարի նկատմամբ նմանատիպ վերաբերմունքը: Ընդհանրապես լրատվամիջոցի աշխատանքին խոչընդոտելը որեւէ կերպ ընկալելի եւ ընդունելի չէ: Պետք հասկանալ, որ առանց լրագրողների շատ ու շատ երեւույթներ. ուղղակի անհնար կլիներ հանրայնացնել, ներկայացնել թե իշխանությունների, թե ժողովրդին: Այդ իսկ պատճառով, լրագրողին հարգել է պետք եւ հարգել առաջին հերթին նրա  աշխատանքը:

Հ. Գ

Հիշեցնենք, որ օրերս նախկին ՀՀԿ-ական, ներկայիս Ամբերդ համայնքի ղեկավար Մանվել Բաբայանը, սպառնալիքներ ու վիրավորանքներ էր հնչեցրել լրագրող Գայանե Զարգարյանի հասցեին, ում դուր չէր եկել այն հանգամանքը, որ անցկացված հետաքննության արդյունքում, ջրի երես էին դուրս եկել փաստեր, թե ինչ տրամաբանությամբ են դուրս գրվել բյուջեից տրվող սոց. օգնությունները՝ Ամբերդի բնակչությանը: Համայնքապետը, սպառնալիքներ ու վիրավորանքներ հնչեցնելով լրագրողի հասցեին հայտարարել էր, որ լրագրողը խանգարում է իրեն, եւ որ լրագրողի համայնքում աշխատանքներ տանելուց հետո, չի կարողանում հավաքել հարկերը, քանի որ ըստ Բաբայանի, ամբերդցիները համայնքապետի խոսքին ականջ չեն դնում:

Լրագրողի ու համայնքապետի միջեւ սկանդալը հասունացել էր հատկապես այն բանից հետո, երբ լրագրողը նկարահանել էր վագոն-տնակում խիստ անմարդկային պայմաններում ապրող Անդրեասյանների ընտանիքին, եւ համայնքապետին հարցադրում էր արել, թե ինչպես է ստացվում, որ իրական կարիքի մեջ գտնվողները՝ չեն թիրախավորվում որպես սոցիալապես անապահով շերտ ու օգնություններ չեն ստանում, իսկ ահա համայքնում առավել ապահով ընտանիքները օգտվում են համայնքապետարանի բյուջեից: