Ամեն մի մարդ, ով իրեն համարում է Նապոլեոն Բոնապարտ՝ կարող է մեծ խնդիրներ ստեղծել ազգի համար.VIDEO

Գրավել ոստիկանական տարածքը և ասել որ դա հանցագործություն չէ և ոչիչն չի պատահահել` սխալ է: Ֆորում մամուլի ակումբում լրագրողների հետ հանդիպման ժամանակ «Սասնա ծռեր» ջոկատի զինված խմբի գործողություններին անդրադառնալով իր տեսակետը հայտնեց քաղաքագետ Գագիկ Համբարյանը: Նրա դիտարկմամբ` այն, որ մարդ զոհվեց այդ գործողություների ժամանակ արդեն իսկ ցեխ է շպրտում ջոկատի նախաձեռնության վրա: Քաղաքագետը կարծում է, որ Խորենացի փողոցում տեղի ունեցող գործողությունները ունեն հովանավորներ և՛ ներսից, և ՛դրսից: Բայց նրանք չէին սպասում, որ իրենց ներսի ռեսուրսներն այսպիսի անգրագետ և անկազմակերպ կլինեն:

Գագիկ Համբարյանի խոսքով` այն ինչ տեղի ունեցավ վերջին 2 օրվա ընթացքում ցույց է տալիս, որ նրանք բացարձակ չեն տիրապետում իրավիճակին: Քաղաքագետը մատնանշում է հատկապես, անհայտ ծագումանաբությամբ մի աղջկա, ով չգիտես որտեղից էր հայտնվել և ինչ նպատակով: «Որտեղի՞ց է եկել, ո՞վ է նրան էդ բարձրախոսը տվել: Նա կարող էր մեկ ելույթով սադրել ու բախում առաջացնել՝ ոստիկանների և հասարակության միջև… սա ոչ թե ապստամբություն, այլ խռովություն է. ապստամբությունն ավելի կազմակերպված կլիներ, ապստամբության տնազ է և խայտառակություն, առավել ևս, որ լյումպենացված ու անհայտ ծագումնաբանությամբ մարդիկ են այդտեղ հավաքվում»,-նկատում է քաղաքագետը:
Հոգեբան Իրինա Ծատուրյանն էլ հիշեցնում է, որ լյումպենացված բախումների ժամանակ ամենահզոր զենքը քարն էր: Այսօր դրան մի նոր գործիք է ավելացել` աղբաման: «Փոխանակ այս տարիներևի ընթացում ավելի խոհեմություն ձեռք բերեին ու հասկանային` ինչպես կարելի է ճիշտ պայքարել, քարին աղբաման են ավելացրել: Դա արդեն իսկ նշանակում է, որ նրանք պրոֆեսիոնալ չեն»,-նկատում է հոգեբանը:
Նա տրամաբանական է համարում, որ քառօրյաի, բերքի ահռելի կորուստների և սոցիալական վիճակի ֆոնին նման իրավիճակ կստեղծվեր: «Չորացած խոտին մի կայծ է հարկավոր որպեսզի հրդեհ դառնա… Ո՞վ է ասում մի գնացեք պայքարի, բայց պետք է այնպես անել, որ ինքներս մեզ չվնասենք, մեր ազգային եսը պահպանենք: Եթե մեկը խփում է իր բարեկամին, ապա նա խփում է ինքն իրեն…»,-ասում է հոգեբանը:
Գագիկ Համբարյանն էլ նկատում է, որ այդ անկարգությունների պատճառը լիդեր չունենալն է: Դրա հետևանքով հավաքված հասարակության ներսում լինում են լոկալ վիճաբանություններ: Նա ԱԺ պատգամավոր Նիկոլ Փաշինյանի մեջ տեսնում էր որպես վիճակը կարգավորող ու բախումներից զերծ պահող ուժ, սակայն Փաշինյանին խաղից դուրս հանեցին: «Նիկոլ Փաշինյանին խաղից դուրս մղվեց խանդի պատճառով, նա փորձեց կրքերը հանդարտեցնել և մեսիջ ստացավ, որ նրա ներկայությունը պետք չէ և խանգարում է… Հիմա ուզում են հաշիվը 1:1 անել (զոհի տեսանկյունից) և նոր բանակցել»,-նշեց քաղաքագետը:

Նա այս ամենի մեջ մեծ վտանգ է տեսնում` այն կարող է դառնալ նախադեպ: «Աստված ոչ անի սրանից հետո որևէ խմբավորում զենք վերցնի և փորձի զենքի ուժով որևէ հարց լուծել: Դա Հայաստանը կվերածի Աֆղանստանի, որտեղ ով զենք ունի գրավում է շենքեր ու զինված բախումներ են լինում անընդհատ: Նրանք պետք է հասկանան, որ եթե զենքով իրենք հարց են ուզում լուծել, վաղը մեկ այլ խմբավորում կարող է իրենց օրինակին հետևել և «հաջողությունը» կարող է շղթայական ռեակցիա ստեղծել ու ամեն մի խմբավորում, ամեն մի մարդ, ով իրեն համարում է Նապոլեոն Բոնապարտ, ազգի պահապան` կարող է մեծ խնդիրներ ստեղծել ազգի համար»:

Ընդհանրապես Գագիկ Համբարյանը նկատում է, որ երկրի օլիգարխների տների անվտանգության համակարգն ավելի լավ է աշխատում, քան պետական նշանակություն ունեցող տարածքները: «70-ականների կռազով դուռ են կոտրում ու տեր դառնում ահռելի քանակությամաբ զենքի… հույս ունեմ, որ ֆորս-մաժորային իրավիճակից հետո իշխանությունն այս հարցը կլուծի… դեռ լավ է, որ հիմա իմացանք այդ մասին և ոչ թե ասենք ահաբեկչական խմբավորման գործողություների ժամանակ: Շատ օլիգարխների տներ ավելի լավ են պաշտպանված...»,-նկատում է քաղաքագետը: 

Հոգեբան Իրինա Ծատուրյանն էլ նկատում է, որ այնտեղ(ի նկատի ունի ՊՊԾ գնդի տարածքը) նույնիսկ մի ճեղք չպետք է լիներ,որ մոծակ անցներ: «էնպիսի տպավորություն էր, որ բաց դռների օր էր… Շատ կառույցներում այսօր տուն-տունիկային վիճակ է»-իր խոսքում ընդգծեց Ծատուրյանը:

Այլ մանրամասներ՝առաջարկվող տեսանյութում: