Աբրահամյանների մոտ մե քեֆ, մե ուրախություն է.նշում են Ջոնիկ Աբրահամյանի «արծաթե հարսանիքը»

Fnews.am-ին հասած տեղեկությունների համաձայն, այս պահին ՀՀ նախկին վարչապետ, ՀՀԿ-ից առանձնացած «վտակ» Հովիկ Աբրահամյանի հայրենի Մխչյան գյուղում մե քեֆ, մե ուրախություն է: Բանից պարզվում է, քիչ առաջ մոտ մեկ ժամ տեւած հրավառություն պատճառը Արգամիչի հանրահայտ եղբայր Ջոնիկ Աբրահամյանի «արծաթե հարսանիքն» է, որին հրավիրված են ժամանակին անտեսված բազում մխչյանցիներ, Արգամիչների հին ու նոր բարեկամները, այդ թվում նաեւ Ջոնիկ Աբրահամյանի ընկերները, ովքեր բոլոր ժամանակներում փորձել են Աբրահամյանների «դամը» պահել մարզում: Մեզ հասած տեղեկությունների համաձայն, ասում են Արգամիչը ճոխ նվեր է արել եղբոր կնոջն ու հարազատ եղբորը՝ Ջոնիկին, իսկ սեղանակիցների մոտ ասել է, որ իրենց հաղթանակները դեռ առջեւում են:
Խեր լինի. կարող ա՞ Արգամիչն էլ է վերջնականապես բռնելու արտագաղթի ճամփան:
Չնայած մեզ հասած տեղեկությունների համաձայն,Արգամիչի շրջապատի նազիր-վեզիրները շարունակում են այս ու այն առիթը օգտագործել ու շատերի ականջին շշնջալ, թե Արգամիչը 2018 –ին վերադառնալու է նոր «կառքով»:
Թեեւ նույն Արգամիչների հարազատներն ու մտերիմներին անգամ չեն հավատում շրջանառության մեջ դրված այդ միֆին, քանի որ ինչպես Արարատի մարզում են շատերը կատակում՝«Զիմիզիմովների կառքն ու ժամանակը վաղուց գնացել է, նրանք էս երկրից ինչ հնարավոր էր տարան, ու հիմա էլ բնական է, եկել է՝սալյուտ խփելու ժամանակը»…