7 անգամ դատապարտված «Պեսոկը» տաքսու վարորդից հափշտակել է ոսկի մատանին

Հունիսի 1-ին մայրաքաղաքի Քանաքեռ -Զեյթուն թաղամասի Սարկավագի փողոցի շենքերից մեկի վերալակում տաքսու ուղևորը` «Պեսոկ» մականունով նախկինում 7 անգամ դատապարտված Հայկ Գալստյանը, խաբեությամբ տաքսու վարորդից վերցրել էր վերջինիս մատանին, իսկ հետո սպառնացել դանակով` «փախի ստուց»:

Տուժող վարորդը ոստիկանությանը հայտնել էր, որ մեքենան կայանած է եղել «Շրջանայինի» մոտ, երբ «Պեսոկը» մոտեցել է, հայտնել, որ գնում են Այնթափ գյուղ, իջել է, 20 րոպե անց վերադարձել, կարգադրել տաքսին քշել Քանաքեռ-Զեյթունի ուղղությամբ, ճանապարհին նորից մեքենան կանգնեցրել «Սաս» սուպերմարկետի մոտ, վարորդից 8000 դրամ ուզել` պատճառաբանելով, որ իր մոտ դոլար է, այս գումարով առևտուր արել, նրան հյութ ու լահմաջո հյուրասիրել, ապա վերջնականգառում առաջարկել իր հետ տուն բարձրանալ, որպեսզի և′ գումարը կվերադարձնի, և′ վարորդի ձեռքի մատանին ցույց տա տանեցիներին:
Այս մասին հաղորդում է ՀՀ ոստիկանությունը:

Մանրամասները ոստիկանության տեսանյութում: