1-ամյա Անգելինա Վարդանյանի անհետացման ոդիսականը․ Ահազանգում է հայտնի իրավապաշտպանը

Newsmedia.am-ը շարունակում է իր որդգրած սկզբունքներին հավատարիմ մնալով՝ անդրադառնալ ամենատարբեր խնդիրներին, որոնց առանցքում մարդն ու մարդկային ճակատագրերն են։ Հերթական ահազանգը մեր միջոցով հանրության է ներկայացնում հայտնի իրավապաշտպան Այսեր Իսայանը, ով ահազանգում է 1-ամյա փոքրիկ Անգելինայի խնամակալի հույսին վեց ամիս ապրելու,  և տարօրինակ պայմաններում նրա  անհետանալու մասին՝ պատկան մարմինների ուշադրությունը սեւեռելով հետեւյալ խնդրին․

-Վեց ամիս առաջ մայրը՝ Լիլիթ Վարդանյանը, տվել է փոքրիկ աղջնակին՝ Անգելինային, ընկերուհուն՝ Սաթեն Ստեփանյանին, եւ գնացել Ռուսաստան խնդրելով, որ փոքրիկին պահի, փոխարենը նա նրան ՌԴ-ից կօգնի երեխայի խնամքը կազմակերպելու մեջ, մինչեւ իր վերադարձը։ Սաթենը, այս դեպքում, որպես խնամակալ երեխային խնամել, պահել  է՝ մինչեւ որ ըստ Սաթենի օրեր առաջ չեն հայտնվել,  փոքրիկի  իբր հարազատները։

Խնդրում ենք իրավիճակը ներկայացնել առավել  մանրամասն, պարոն Իսայան։

-Ըստ Սաթենի ներկայացրածի՝ նրանց տուն են գալիս մարդիկ, ներկայանում  փոքրիկի իբր  քեռու հարազատներ, ասելով  որ եկել են երեխային տանեն։ Սաթենը առանց ճշելու, թե իրական են արդյոք այդ բարեկամները թե ոչ, տալիս է 1-ամյա փոքրիկին, որ տանեն։ Հետո, կրկին Սաթենի պատմածով, մի հատ  մեքենա գալիս կտրում է այդ հարազատների դեմը, երեխային վերցնում ու գնում։ Հնդկական կինոյի դետեկտիվ՝իսկական:

-Որտե՞ղ է եղել   դեպքը։

-Արարատի մարզում՝ Եղեգնավանից Սիսավան գնացող ճանապարհին։ Սաթենը երեք օր ոչ ոքի չի պատմել այս մասին:  Միայն մեր կազմակերպության բարեգործական խմբի պատասխանատու Բրոյանի շնորհիվ, ով այդ ընտանիքին օգնում է, տեղեկանում ենք դեպքի մասին, եւ խնդիրը մեզ հայտնի դառնում։ Բրոյանը համոզում է Սաթենին, որպեսզի դիմի իրավապահներին, համայնքի ղեկավարին, սակայն չգիտես ինչու վերջինս ժամանակ է ձգում։ Բրոյանը որոշում է ինձ տեղեկացնել, բնականաբար ես միանգամից զանգահարում եմ  1-02։ Գյուղապետն էլ մեր միջոցով տեղեկանալուց հետո, զանգահարում  է  Վեդիի բաժին, (նկարը տեղադրել եմ իմ էջում)։ Հույս ունեմ․ որ փոքրիկը կգտնվի ողջ եւ առողջ։

-Իսկ խնամակալը  փաստորեն, մտահոգված չէ՞    փոքրիկի անհետացմամբ։

-Եթե մտահոգված լիներ,  դեպքից անմիջապես հետո կտեղեկացներ ոստիկանությանը։

-Իսկ  երեխայի մոր հետ կապված ի՞նչ տեղեկություններ կան, տեղյա՞կ է արդյոք, որ իր 1-ամյա աղջնակը  որոնվում է...

-Երեխայի մոր   հետ  աչ մի կապ չկա, անհասանելի է։ Ես, որպես իրավապաշտպան հետեւողական եմ լինելու փոքրիկի հետ կապված ողջ գործընթացի բացահայտմանը, դա ես Ձեզ խոստանում եմ։

Պատրաստեց՝ՆՈՆԱ ԱԴԱՄՅԱՆԸ 

NewsMedia.am 

Լուրեր Աշխարհից եւ Հայաստանից